Atsiornernik katersineq: Qilalukkanik qernertanik pisassiissutit ilaqqugaat
Ilulissani qilalukkanik qernertanik pisassiissutit ukiormanna tallimaapput taakkualu upernaarli
pisarineqareerput. Taakkua ilaneqarnissaannik kissaateqarluni atsiornernik katersisoqarpoq.
- Tassa maani Ilulissani qilalugartassat tallimaannaaput, qilalukkanik qernertanik amerlanerusunik pisassinnneqarnissamik kissaateqarluni atsiornernik katersisoq Ville Abelsen taama oqarpoq.
AAMMA ATUARUK Aqutsiveqarfik Tasiilami qernertanik qilalugartassiissutit tamakkerneqartut
Atsiornernik katersat Ilulissani Aalisartut Piniartullu peqatigiiffiat peqatigalugu Aalisarnermut Piniarnermut Nunalerinermullu Naalakkersuisumut Nikkulaat Jeremiassenimut tunniuppaat.
- Taakkua atsiornerit soorunami Naalakkersuisut ataatsimoortut, taakkunanga anngutissuakka, aammalu uagut suliniarnitsinni sakkussat ilaattut atorumaarput, Nikkulaat Jeremiassen oqarpoq.
AAMMA ATUARUK Narhvalskvote for forvaltningsområde Upernavik er opbrugt
Naalakkersuisulli allannguinissamik maannamut siunniussaqanngitsut, taakkua tusarniaaneranni atuarneqarsinnaavoq.
Tassami Qilalukkanut qaqortanut aamma qernertanut, aarrinut nannunullu 2019-imut pisassiissutissat pillugit tusarniut oktobarimeersoq naapertorlugu qernertanik ukioq manna qilalugartassiissutit assiginik pisassiisoqaqqissasoq siunnersuutigineqarpoq.
Pinngortitaleriffimmit KNR-imut ilisimatitsissutigineqarpoq Pinngortaleriffimmit innersuussutigineqarsimasoq Qeqertarsuup Tunuani 82-nik qilalukkanik qernertanik pisassiisoqarnissaaaq.