Qeqertarsuup Tunuanut Qimusseriarsuarmullu qilalugartassiissutit ilaneqarput
Qilalukkanik qernertanik Qimusseriarsuarmut Qeqertarsuullu Tunuanut immikkut pisassiisoqarpoq. Naalakkersuisut nittartagaanni tamanna allaaserineqarpoq.
Allattoq Karsten Sommer
decembarip 06-at 2018 17:05
Naalakkersuisut ullumi decembarip ulluisa arfernganni 2018-imi politikkikkut aalajangikkamik Qimusseriarsuarmut, qilalukkanik qernertanik 20-nik pisassiipput, Qeqertarsuup Tunuanut, aamma taama amerlatigisunik pisassiillutik.
Naalakkersuisut kissaataat naapertorlugu qilalukkat qernertat sumiiffinni pineqartuni pisassiissutaareersimasut 40-nik ilaneqarput, sumiiffinni neqissaqarniarneq, mattassaqarniarneq aningaasarsiornissarlu qulakkeerniarlugit.
Qimusseriarsuarmut ukioq manna pisassiissutit 70-iupput Qeqertarsuup Tunuani 85-iusut.