Ataatsimiinnermut ammaanermi oqalugiaat takorluugaqanngitsoq
![](/sites/default/files/styles/image_934x467/public/article_images/inatsisartut_4_0.jpg?itok=2huFHbru)
- Oqalugiaataannaavallaarpoq aaqqiissutissanik siunnersuuteqarnani, Aqqaluaq B. Egede oqarpoq.
Akitsuusiiniarnerit, utoqqalinersiat siusinaartumillu suliunnaarnersiutit aaqqissuussiffiginiarneri sapaatip akunneri siuliini tusagassiuutini eqqartorneqangaatsiarput. Naalakkersuisut siulittaasuata parteeqatai arlallit Naalakkersuisut akitsuusersuiniarnermut siunnersuutaat isornartorsiorpaat. Naalakkersuisulli siulittaasuat oqallinnermut tassunga qisuariaateqanngilaq.
Aamma atuaruk Amerlanerussuteqartut akitsuutit akerleraat
Aamma atuaruk Akitsuutinik qaffaanissaq Naalakkersuisut aalajangiusimavaat
Inatsisartut ukiuunerani ataatsimiinnerisa ammaanersiorneranni Naalakkersuisut siuluttaasuata oqalugiaataani tamakkua eqqaaneqannginneri Inuit Ataqatigiinneersup tupaallaatigai.
- Allannguutaaniartut arlallit isummersorfigineqanngillat.
- Soorlu aalisartut aatsaat taama oqaluttuarisaanermi akitsuusersorfigineqartigissapput taavalu utoqqaat, siusinaarlutillu soraarnerussutisiallit. Tamakkua inuiaqatigiinnut isumalerujussuarmik sunniuteqartussat, annerusumik siuttutut isummersorfiginngilai, Aqqaluaq B. Egede oqarpoq.
Aamma atuaruk QulaarpaaAmigartooruteqaannarnissaq mianersoqqussutigigaat
Ataatsimut isigalugu Aqqaluaq B. Egedep qanoq pisoqarumaarneranik oqariartuutit naammanngitsut isumaqarpoq.
- Naalakkersuisunut siulittaasutut inissisimaneq asuli oqalugiaqattaarfiunngilaq.
- Kisiannili nunap siulersorneqarneranut tunngavilersuinissamik, inuiaat ataatsimoornissaannik, partiit ataatsimoornissaannik kikkunnut tamanut siuttutut paatsoortoqannginnissaa eqqummaariffigisussaava . Pisussaafferujorujussuuvoq, Inatsisartuni Inuit Ataqatigiinni politikkikkut oqaaseqartartoq Aqqaluaq B. Egede oqarpoq.