Ataatsimeersuartitsineq Naalakkersuisumit nersualaarneqartoq
Ataatsimeersuartitsisoqarpoq, innarluutillit illersuisuiannik aamma innarluutillit sullissivissaannik centerimik kiisalu innarluutillit pillugit inatsisIssaq Naalakkersuisunit piareersarneqaleruttortut Sara Olsvig oqarpoq.
- Autisme pillugu ulluni pingasuni ataatsimeersuarnermi isumasioqatigiinnermilu oqaluuserineqartut, Naalakkersuisunut assut immersuipput, suliassatsinnullu toqqammaviilluartorujussuupput Naalakkersuisut suleqqinniarneranni, Sara Olsvig taama oqarpoq Innarluut Autisme pillugu ataatsimeersuarneq peqataasunut iluaqutaasimavoq.
- Immikkut ittunik suliaqartut, innarluutilinnik sullissisut, perorsaasut , kommunini sulisut aamma angajoqqaat ataatsimeersuarnermit pissarsisimallutik unnersiorput, Sara Olsvig oqarpoq.
AAMMA ATUARUK Olsvigip autisme pillugu ilisimasat annertusarniarpai
Innarluummik autismemik meeraqartup, innarluutip Autismep inuiaqatigiinni ilisimaneqarnerulernissaa neriuutigaa.
- Innarluut Autisme nunatsinni ilisimaneqarpianngilaq, taamaattumik innarluut autisme pillugu sumulluunniit saaffiginnikkaangatta nassuiaarujussuartariaqartarpugut, Uangaaja Poul-Haggæusen oqarpoq, - autisme pillugu atatsimeersuarnerit akulikinnerusuuppata pisortanut allanullu annertuumik iluaqutaassaaq autisme annertunerusumik ilisimaneqalerluni, Ungaaja Poulsen-Haggæusen Maniitsoq taama oqarpoq.
Innarluut Autisme pillugu saaffigisassat amigaataasimapput.
- Atuarfiit allallu pitsanngorsaatigisinnaasaat pillugit sumut saaffiginnittoqarsinnaanersoq ataatsimeersuarnermi pissarsivunga, Ungaaja Poulsen-Haggæussen oqarpoq.
Autisme pillugu ataatsimeersuarneq Nuummi ulluni pingasuni ingerlanneqarpoq.
Kalaallit Nunaanni Autismemik innarluuteqartut peqatigiiffianni siulittaasup ataatsimeersuarneq iluatsilluartutut nalilerpaa.
- Siullermik ataatsimeersuarneq naammassivarput ilimagisatsinniit amerlanerujussuarnik peqataasoqarluta. Taannalu isumaqarpoq soqutiginninnerup paasisaqarusunnerullu qanoq annertusimatigineranik. Taammammat iluatsilluartutut oqaatigisinnaavarput, Karsten Høy oqarpoq.
Autisme pillugu ataatsimeersuarneq sapaatip akunnerata naanerani ulluni pingasuni ingerlanneqarpoq.