Olsvigip autisme pillugu ilisimasat annertusarniarpai
![](/sites/default/files/styles/image_934x467/public/article_images/img_4586.jpg?itok=0hkuy78c)
Isumaginninermut naalakkersuisoq, Sara Olsvig, autisme pillugu ataatsimeersuarnermi peqataasoq, Qanoruumut ippassaq taama oqarpoq.
- Innarluutinut assigiingitsunut ilisimat annertusassavavut, naalakkersuiusoq oqarpoq.
Minnerunngitsumik ersingitsumik nappaatit, soorlu Autisme, pillugit inuiaqatigiit ilisimasaqarnerunissaat pisariaqarpoq.
- Minnerunngitsumik ersinngitsumik innarluutillit, autisme innarluuttitut ersinngitsutut taaneqarsinnaagami. Taavalu tassa inuit amerlasuut autismersinnaasut paasivarput. Taamaammallu sullissisinnaalluarnerujumalluta ilisimasassavut annertusassavagut.
AAMMA ATUARUK Prinsesse Marie Nuummi ataatsimeersuarnermik ammaalersoq
Aamma Innarluuteqarneq pillugu nuna tamakkerlugu sullissivissaq, ukiaru ammartussaq, inuiaqatigiit ilisimasaqarnerulernisaannut aamma iluaqutaassaq.
Sullissivissaq Sisimiuni ammartussaq soorunami nuna tamakkerlugu sullissiviussaaq. Aamma kommuninit, qanigisaasunit aammalu sullissisunit, ilinniartitsisuusinnaapput meeqqerisuusinapput, tamanit ilisimasassanik sakkussanillu aallerfigineqarsinnaassaaq.
AAMMA ATUARUK Laila prinsesse Mariemit pulaarneqartoq
Aamma innarluutillit pillugit inatsit nutaaq piareeqqajaalerpoq.
- Inunnut innarluutilinnut tunngasumik inatsilioqqinnissaq Naalakkersuisunit pingaarnersiugaraarput. Taassumalu innarluutillit pisinnaatitaaffii tunngavigilissavai, kommuninut allanullu pisussaaffiliinerulluni.
Suliniutillu tamarmik piareeqqajaalersut Naalakkersuisut akissaqartikkaat, isumaginninermut naalakkersuisoq, Sara Olsvig oqarpoq.