Assit takukkit: AWG qitinnermik nunatsinnullu ujaminnatsitsinermik naggaserneqartoq
Arctic Winter Games persuarsiorpalaartumik qalersaq qilerlugu arfininngornermi naggataarnersiorpoq.
Soorluttaaq Fort McMurrayimi MacDonald Islandimi timersortartut nunaqqatigiikkaarlutik siuleriiaallutik persuarsiorpalaartumik sapaatit akunnerata siuliani ammaanersiortut.
Tamatumuunakkulli timersortartut eqimattaqatitik ilaginagit ataatsimut kattullutik takisuunngorlutik siuleriiaapput. Timersortarfimmi akulerullutik qalipaatit nunallu assigiinngitsut ataatsimoorrapput.
Timersortartut ileqqoraattaaq kavaajaminnik paarlaasseqatigiinneq, taamaalillutik kikkut suminngaanneernersut takuneqarsinnaanani.
Naggataarnersiornermi oqalugiartoqarlunilu qitsittoqarlunilu pilluaqqusisoqarpoq. Ataqqinaammilu nersornaat Hodgson trophy - pinerit tamaasa tunniunneqartartoq nunatsinnut tunniunneqarpoq.
AAMMA ATUARUK Kalaallit Nunaat AWG-mi maligassiuilluartutut nersornaaserneqarpoq
Tamakkuli tamaasa pinnginnerini pissartanngorniutivinnerit ingerlanneqarput, nunatsinnullu ujammit aarlallit tunniunneqarlutik.
Bordtennis-guldregn
Nuatsinneersunit nerrivimmi arsaarartartut kuultinnannerpaapput.
Arctic Winter Games
Arctic Winter Games kingullermik 2018-imi aaqqissuunneqarpoq. Tamatuma kingorna Covid-19 pissutigalugu taamaatiinnarneqartaarpoq.
Arctic Winter Games Canadami nunap immikkoortuani Albertami Wood Buffalumi ukioq manna aaqqissuunneqarpoq.
Nunatsinnit timersortartut 67-it peqataapput.
Nunatsinni timersortartut Arctic Sportsimi, Dene Gamesimi, volleyballimi, sulorarnermi, nerrivimmi arsaararnermi snowboardimilu peqataassapput.
Nunatta peqataanerata saniatigut Alaskamit, Alberta Northimit, Northwest Territoriesimit, Nunavik-Quebecimit, Nunavummit, Sápmimit aamma Yukonimit peqataasoqassaaq.
Timersortartut katillugit 1800-it sinneqartut peqataapput.
Iligiikkuutaarluni nerrivimmi arsaarartut ujaminnannerisa saniatigut ileqarani unamminermi aamma ujaminnattoqarpoq.
Nerrivimmi arsaararnermi ujammit aqqaneq marlunnit ikinnerunngitsut kuultit sølvillu pingasut nunatsinnut angerlaanneqarput.
AAMMA ATUARUK Nerrivimmi arsaararlutik Arctic Winter Gameseqataasortavut angusarissaartut
Nunatsinniit angalasut timersoqatigiit kattuffianniit Arctic Winter Gamesimi aqutsisuanit, Svend Sværdimit kakkagineqaqaat.
- Isumaqarpunga angusaqarluartut. Unammilluaqaat nuannisaqalutillu, taanna oqarpoq nangillunilu.
- Aappaagumut taama angusaqarluartiginissaat neriuutiginaqaaq. Yamalimiut immaqa aamma peqataassapput. Massakkorpiaq nunarput siuttuugallarpoq.
Assi: Arctic Winter Games International Committee and AWG 2023 Host Society
Yamal Ruslandip ilaanniippoq, timersortartunik peqataatitsisartoq. Ukiorli manna Rusland Arctic Winter Gamesimut qaaqqusaanngilaq.
Arctic Winter Games aappaagu Alaskami ingerlanneqaqqissaaq.
Inuit Pinnguaataat iluatsilluartut
Arctic Winter Gamesimi ukioq manna kalaallit Inuit Pinnguaataannik angusaqarluarnerpaapput. Unammissutini aqqaniliusuni ujammit 32-t katillutik pissarsiarineqarput.
- Naatsorsuutigisatsinniit amerlanerupput, Inuit Pinnguaataannik nunanut allanut unammisartut sungiusaasuat, Kim Rosing oqarpoq.
Taanna unammeqataasut aappaagu peqataaqqinnissaanik isumalluarpoq.
Nerrivimmi arsaarartartut nuannaaqisoq. Assi: KNR
Inersimasut inuit pinnguaataannik Dene gamesilu taamaallaat unammeqataapput.
- Naammassilluarnera assut pilluaatigeqaara. Qasulaarpugut, kisianni qaangiutissaqqaarpoq. Ujaminnattaagut nuannaarutigeqaakka, taanna oqarpoq.
AAMMA ATUARUK Eqqillit Pinnguaataat Inuit Pinnguaataallu suuppat?
Dene gamesimi, snowboardimi, nerrivimmilu arsaararnermilu aamma Kalaallit ujaminnattut amerlaqaat.
Timersuutini arfiniliusuni nunatta peqataatitaqarfiini taamaallaat timersuut ataaseq, volleyball ujaminnaffigineqanngilaq.
Ujamit Kuultit katillutik 38-t, sølvit 22-t bronzillu 25-t ukioq manna Arctic Winter Gameseqartoqarnerani nunatta angerlaappai. Timersortartunit 65-iusunit ujamit 85-it pissarsiarineqarput.
Kalaallit Arctic Winter Games 2023-imi ujaminnattut
Kuultinnapput:
- Aqqalu Lukassen, angutit 2004-mi kingornaluunniit inuusut stick pullerneranni.
- Randi Sigurdsen, arnat 2005-imi kingornaluunniit inuusut Arctic Sportsimi two-foot high kickerneranni.
- Vittus Olsen, angutit 2006-imi kingornaluunniit inuusutut snowboarderlutik rail jamerneranni
- Steffen Knulst, Arctic Sportsimi headpullernermi
- Minik Platou, angutit stick pullerneranni
- Frederik Rødgaard aamma Najatta Jakobsen, arnat angutillu 2007-imi kingornaluunniit inuusut iligiikkuutaarlutik nerrivimmi arsaararneranni
- Inuuteq Knudsen aamma Theresa Fontain, arnat angutillu 2004-mi kingornaluunniit inuusut iligiikkuutaarlutik nerrivimmi arsaararneranni
- Rune Schultz aamma Uiloq Dahl, arnat angutillu 2007-imi kingornaluunniit inuusut kingoraartigiiaallutik nerrivimmi arsaararneranni
- Inuuteq Knudsen aamma Theresa Fontain, arnat angutillu 2004-mi kingornaluunniit inuusut kingoraartigiiaallutik nerrivimmi arsaararneranni
- Frederik Rødgaard aamma Rune Schultz, angutit 2007-imi kingornaluunniit inuusut iligiikkuutaarlutik nerrivimmi arsaararneranni
- Najattaa Jakobsen aamma Uiloq Dahl, arnat 2007-imi kingornaluunniit inuusut iligiikkuutaarlutik nerrivimmi arsaararneranni
- Inuuteq Knudsen aamma Brian Schultz, angutit 2004-mi kingornaluunniit inuusut iligiikkuutaarlutik nerrivimmi arsaararneranni
- Theresa Fontain aamma Niviaq Knudsen, arnat 2004-mi kingornaluunniit inuusut iligiikkuutaarluik nerrivimmi arsaararneranni
- Vittus Olsen, angutit 2006-imi kingornaluunniit inuusut snowboarderlutik slopestylerneranni
- Nicas Clasen, angutit 2005-imi kingornaluunniit inuusut arm pullerneranni
- Vittus Olsen, angutit 2006-imi kingornaluunniit inuusutut snowboarderlutik Banked Slalomerneranni
- Mona Fleischer, arnat 2005-imi kingornaluunniit inuusut Alaskan high kickerneranni
- Arkaluak Reimer Geisler, angutit 2004-mi kingornaluunniit inuusut finger pullerneranni
- Edvard Kruse, angutit finger pullerneranni
- Aqqalu Lukkasen, angutit 2004-mi kingornaluunniit inuusut Denne Gamesimi all arounderneranni
- Julius Amossen, angutit Dene Gamesimi all arounderneranni
- Nicas Clasen, angutit 2005-imi kingornalu sledge jumimi
- Randi Sigurdsen, arnat 2005-imi kingornaluunniit inuusut Arctic Sportsimi all arounderneranni
- Emilie Sørensen, arnat 2003-imi kingornaluunniit inuusut ileqaratik sulorarneranni
- Anna Arlerth, arnat 2006-imi kingornaluunniit inuusut sulorarneranni
- Malik Thorsen Petersen, angutit 2006-imi kingornaluunniit inuusut ileqaratik sulorarneranni
- Thrune Amassen Rafaelsen aamma Emilie Sørensen, 2003-mi kingornaluunniit inuusut iligiikkuutaarlutik sulorarneranni
- Anna Arleth aamma Jonna Bidstrup Andreassen, 2006-imi kingornaluunniit inuusut iligiillutik sulorarneranni
- Malinnguaq Egede aamma Malik Thorsen Petersen, 2006-imi kingornaluunniit inuusut iligiikkaarlutik sulorarneranni
- Anna Arleth aamma Malik Thorsen Petersen, 2006-imi kingornaluunniit inuusut iligiikkaarlutik sulorarneranni
- Atsiannguaq Andersen, Aqqalu Lukassen, Arkaluaq Reimer Geisler aamma Kuka Zeeb, angutit 2004-mi kingornaluunniit inuusut pole pusherneranni
- Julius Amossen, Edvard Kruse, Jens Jørgen Lange aamma Minik Patou angutini pole pusherneranni
- Vittus Olsen, angutit 2006-imi kingornaluunniit inuusut snowboardimi snowboar crosserneranni
- Niviaq Knudsen, arnat 2004-mi kingornaluunniit inuusut ileqaratik nerrivimmik arsaararneranni
- Brian Schultz, angutit 2004-mi kingornaluunniit inuusut ileqaratik nerrivimmik arsararneranni
- Uiloq Dahl, arnat 2007-imi kingornaluunniit inuusut ileqaratik nerrivimmik arsaararneranni
- Runa Schultz, angutit 2007-imi kingornaluunniit inuusut ileqaratik nerrivimmi arsaararneranni
Siilvinnapput:
- Aqqalu Lukassen, angutit 2004-mi kingornaluunniit inuusut finger pullerneranni
- Julius Amossen, angutit finger pullerneranni
- Arkaluaq Reimer Geisler, angutit 2004-mi kingornaluunniit inuusut Dene Gamesimi all arounderneranni
- Mona Fleischer, arnat 2005-imi kingornaluunniit inuusut sledge jumperneranni
- Lars Jeremiassen, angutit 2005-imi kingornaluunniit inuusut sledge jumperneranni
- Hanne Mathiassen, arnat sledge jumperneranni
- Steffen Knulst, angutit sledge jumperneranni
- Mona Fleischer, arnat 2005-imi kingornaluunniit inuusut Arctic Sportsimi all arounderneranni
- Nicas Clasen, angutit 2005-imi kingornaluunniit inuusut Arctic Sportsimi all arounderneranni
- Thrune Amassen Rafaelsen, arnat 2003-mi kingornaluunniit inuusut ileqaratik suloqarneranni
- Jonna Bidstrup Andreassen, arnat 2006-imi kingornaluunniit inuusut ileqaratik sulorarneranni
- Malinnguaq Egede, angutit 2006-imi kingornaluunniit inuusut ileqaratik sulorarneranni
- Jonna Bidstrup Andreassen aamma Malinnguaq Egede, 2006-imi kingornaluunniit inuusut iligiikkaarlutik nerrivimmi arsaararneranni
- Theresa Fontain, arnat 2004-mi kingornaluunniit inuusut ileqaratik nerrivimmik arsaararneranni
- Inuuteq Knudsen, angutit 2004-mi kingornaluunniit inuusut ileqaratik nerrivimmik arsaararneranni
- Najattaa Jakobsen, arnat 2007-mi kingornaluunniit inuusut ileqaratik nerrivimmi arsaararneranni
Bronze:
- Randi Sigurdsen, arnat 2005-imi kingornaluunniit inuusut Arctic Sportsimi Triple jumperneranni
- Inuuteq Josefsen, angutit Arctic Sportsimi Triple Jumperneranni
- Oleeraq Schmidt, angutit 2006-imi kingornaluunniit inuusut snowboarderlutik rail jamerneranni
- Inuuteq Josefsen, Arctic Sportsimi headpullernermi
- Oleeraq Schmidt, angutit 2006-imi kingornaluunniit snowboarderlutik slopestylerneranni
- Arkaluak Reimer Geisler, angutit 2004-m kingornaluunniit inuusut Dene Gamesimi snow snakerneranni
- Julius Amossen, angutit Dene Gamesimi snow snakerneranni
- Lars Jeremiassen, angutit 2005-imi kingornaluunniit inuusut two-foot high kickerneranni
- Mona Fleischer, arnat 2005-imi kingornaluunniit inuusut one-foot high kickerneranni
- Angunnguaq Mathiassen, angutit 2005-imi kingornaluunniit inuusut armpullerneranni
- Aaka Tobiassen, arnat armpullerneranni
- Oleeraq Schmidt, angutit 2006-imi kingornaluunniit inuusut snowboarderlutik Banked Slalomerneranni
- Nicas Clasen, angutit 2005-imi kingornaluunniit inuusut one-foot high kickerneranni
- Steffen Knulst, angutit one-food high kickerneranni
- Randi Sigurdsen, arnat 2005-imi kingornaluunniit inuusut Alaskan high kickernanni
- Petra Amossen, arnat Alaskan high kickerneranni
- Inutsiaq Rosing, angutit 2005-imi kingornaluunniit inuusut kneel jumperneranni
- Jens Jørgen Lange, angutit finger pullerneranni
- Minik Platou, angutit Dene Gamesimi all arounderneranni
- Tittu Wille, angutit airplanerneranni
- Lars Jeremiassen, angutit 2005-imi kingornaluunniit inuusut Arctic Sportsimi alla arounderneranni
- Steffen Knulst, angutini Arctic Sportsimi all arounderneranni
- Martin Broberg, angutit 2003-mi kingornaluunniit inuusut sulorarneranni
- Thrune Amassen Rafaelsen aamma Martin Broberg, 2003-mi kingornaluunniit inuusut iligiillutik sulorarneranni
