Nerrivimmi arsaararlutik Arctic Winter Gameseqataasortavut angusarissaartut

Nunatsinneersut Arctic Winer Gamesimi timersuutini unammeqataaffigisaanni arfiniliusuni suli ajugaaniuuttoqarpoq, inngammillu nerrivimmi arsaarartoqataasortavut angusarissaarput.
februaarip 03-at 2023 07:24
Nutserisoq Hanne Petersen

Arctic Winter Gamesimi iligiikkuutaarluni nerrivimmi arsaararluni ajugaaniutivinnerit siulliit aatsaat sapaatit akunnerata naanerani aallartittussaagaluartut, marlunngormalli aallartipput. 

Ajugaaniutivinneqataasortavullu angusarissaartortaqaalupput. 

Ullummi marluk ingerlaneranni kultinnattortavut arfineq-pingasorsuupput. Taakkulu ukioqatigiiaanngitsoorrattuusut arnartaqarput angutitaqarlutillu.

AAMMA ATUARUK Arctic Winter Gameseqataasortatsinni aqqanillit ujamminnattut

Nerrivimmi arsaaralutik nunanut allanut unammisartut sungiusaasuata oqarnera naapertorlugu ajugaaniutinneqataasortatta angusarissaarluarnerat peqquteqarpiarpoq. 

- Russit peqataannginnamik angusarissaarluarput, taanna oqarpoq. 

Russit Arctic Winter Gameseqataasaraluarput, ukiormannali peqataanissamut qaaqqusaanatik. 

Ileqarani nerrivimmi arsaararluni unamminerit siulliit ippassaq sisamanngornermi aallartittut ullumi tallimanngornermi aamma pipput, nunatsinneersortavullu taakkunani qanoq angusaqassanersut pissanganarpoq.

Arctic Sports, Dene Games snowboardilu

Nunatsinneersortavut timersuutini allani unammeqataasut ilarpaalui aamma ujamminnattortaqaaloqqipput. 

Angutimmi Arctic Sportsimi marlunngornermi two-foot high kickerneranni siilvinnattoqarlunilu kuultinnattoqarpoq, angutillu Dene Gamesimi snow snakerneranni marluk siivinnallutik. 

Snowboardimilu marlunngornermi slopestylertoqarnerani aamma kuultinnattoqarlunilu bronzennattoqarpoq

Aamma Arctic Sportsimi pingasunngornermi over arm pullernermi, one-foot high kickernermi Alaskan high kickernermilu unammeqataasortatsinni ujaminnattut arfineq-marluupput.

AAMMA ATUARUK Eqqillit Pinnguaataat Inuit Pinnguaataallu suuppat?

Tassa nunarput katillugit 35-nik ujaminnassimalerpoq. 

Arfininngornermi februaarip sisamaata tungaanut Arctic Winter Gamesertoqassaaq. 

Arctic Winter Games Canadami nunap immikkoortuani Albertami Wood Buffalumi ukioq manna aaqqissuunneqarpoq.

Nunatsinni timersortartut peqataasut 67-iusussaagaluarput, kujataamiulli marluk silarlunnera peqqutaalluni aallanngitsoormata peqataanngitsoorput.

Nunatsinneersortavut Arctic Sportsimi, Dene Gamesimi, volleyballimi, sulorarnermi, nerrivimmi arsaararnermi snowboardimilu unammeqataapput.

Unammeqataasut allat Alaskameersuupput, Albertha Northimeersuupput, Northwest Territoriesimeersuupput, Nunavic-Quebecimeersuupput, Nunavummeersuupput, Sampimeersuupput Yukonimeersuullutillu. 

1800-nit ikinnerunngitsut Artic Winter Gamesimi peqataapput.

Arctic Winter Games 2023-mi maannamut ujaminnattut


Kuultinnapput:

  • Aqqalu Lukassen, angutit 2004-mi kingornaluunniit inuusut stick pullerneranni.
  • Randi Sigurdsen, arnat 2005-imi kingornaluunniit inuusut Arctic Sportsimi two-foot high kickerneranni.
  • Vittus Olsen, angutit 2006-imi kingornaluunniit inuusutut snowboarderlutik rail jamerneranni
  • Steffen Knulst, Arctic Sportsimi headpullernermi 
  • Minik Platou, angutit stick pullerneranni
  • Frederik Rødgaard aamma Najatta Jakobsen, arnat angutillu 2007-imi kingornaluunniit inuusut iligiikkuutaarlutik nerrivimmi arsaararneranni
  • Inuuteq Knudsen aamma Theresa Fontain, arnat angutillu 2004-mi kingornaluunniit inuusut iligiikkuutaarlutik nerrivimmi arsaararneranni
  • Rune Schultz aamma Uiloq Dahl, arnat angutillu 2007-imi kingornaluunniit inuusut kingoraartigiiaallutik nerrivimmi arsaararneranni 
  • Inuuteq Knudsen aamma Theresa Fontain, arnat angutillu 2004-mi kingornaluunniit inuusut kingoraartigiiaallutik nerrivimmi arsaararneranni 
  • Frederik Rødgaard aamma Rune Schultz, angutit 2007-imi kingornaluunniit inuusut iligiikkuutaarlutik nerrivimmi arsaararneranni
  • Najattaa Jakobsen aamma Uiloq Dahl, arnat 2007-imi kingornaluunniit inuusut iligiikkuutaarlutik nerrivimmi arsaararneranni
  • Inuuteq Knudsen aamma Brian Schultz, angutit 2004-mi kingornaluunniit inuusut iligiikkuutaarlutik nerrivimmi arsaararneranni 
  • Theresa Fontain aamma Niviaq Knudsen, arnat 2004-mi kingornaluunniit inuusut iligiikkuutaarluik nerrivimmi arsaararneranni
  • Vittus Olsen, angutit 2006-imi kingornaluunniit inuusut snowboarderlutik slopestylerneranni
  • Nicas Clasen, angutit 2005-imi kingornaluunniit inuusut arm pullerneranni
  • Vittus Olsen, angutit 2006-imi kingornaluunniit inuusutut snowboarderlutik Banked Slalomerneranni

 

Siilvinnapput:

  • Nicas Clasen. Angutit 2005-imi kingornaluunniit inuusut Arctic sportsimi triple jumperneranni
  • Steffen Knulst, angutit Arctic Sportsimi triple jumperneranni
  • Steffen Knulst, angutit two-foot high kickerneranni
  • Lars Jeremiassen, angutit 2005-imimkingornaluunniit inuusut Alaskan high kickerneranni
  • Randi Sigurdsen, arnat 2005-imi kingornaluunniit inuusut one-foot high kickerneranni
  • Petra Amossen, arnat one-footerneranni
  • Lars Jeremiassen, angutit 2005-imi kingornaluunniit inuusut Alaskan high kickerneranni

 

Bronzennapput:

  • Randi Sigurdsen, arnat 2005-imi kingornaluunniit inuusut Arctic Sportsimi Triple jumperneranni
  • Inuuteq Josefsen, angutit Arctic Sportsimi Triple Jumperneranni
  • Oleeraq Schmidt, angutit 2006-imi kingornaluunniit inuusut snowboarderlutik rail jamerneranni
  • Inuuteq Josefsen, Arctic Sportsimi headpullernermi
  • Oleeraq Schmidt, angutit 2006-imi kingornaluunniit snowboarderlutik slopestylerneranni
  • Arkaluak Reimer Geisler, angutit 2004-m kingornaluunniit inuusut Dene Gamesimi snow snakerneranni
  • Julius Amossen, angutit Dene Gamesimi snow snakerneranni
  • Lars Jeremiassen, angutit 2005-imi kingornaluunniit inuusut two-foot high kickerneranni
  • Mona Fleischer, arnat 2005-imi kingornaluunniit inuusut one-foot high kickerneranni
  • Angunnguaq Mathiassen, angutit 2005-imi kingornaluunniit inuusut armpullerneranni
  • Aaka Tobiassen, arnat armpullerneranni
  • Oleeraq Schmidt, angutit 2006-imi kingornaluunniit inuusut snowboarderlutik Banked Slalomerneranni