Kalaallit Nunaat AWG-mi maligassiuilluartutut nersornaaserneqarpoq

Issittormiut Canadami unammiuaarneranni Arctic Winter Games 2023-mi kalaallit unammeqataasut 80-it sinnerlugit medajlannapput taassuma saniatigut ataqqinnaammik nersornaat Hodgson Trophy pissarsiaraat, taanna arfininngornermi Arctic Winter Games naggataarnersiorlugu malunnartinneqarnerani tunniunneqarpoq.

Kalaallit Nunaanni Timersoqatigiit Kattuffiata Facebookimi nittartagaani tamanna atuarneqarsinnaavoq.

Tammajuitsussatut nersornaat timersortartunut maligassiuilluartunut takutitsislluartunullu tunniunneqartarpoq.

Kalaallit Nunaani Timersoqatigiit Kattuffianni siulittaasoq Nuka Kleemann Kalaallit Nunaanni Timersoqatigiit Kattuffiata Facebookimi nittartagaani ima oqarpoq.

- Nersornaat timersortartunut sungiusaasunullu pigitinneqarpoq, taakkuuppummi pitsaasumik angusarissaarnitsinnut pissuserissaarlutik takutitsisut.- Kalaallit AWG 2023-imi timersortartorpalaartumik pissuserissaarnertik tunngavigalugu nersornaammik Hudson Trophy-mik nersorneqarput.” Nuka Kleemann taama oqarpoq.

Timersortartugut tulluusimaarutigaagut

Kalaallit Nunaanni Timersoqatigiit Kattuffianni pisortap Jonas Jensenip kalaallit Arctic Winter Games-imi peqataasut tanngassimaarutigai

- Kalaallit Nunaat Arctic Winter Games-ertoqarnerani angusaqarluartorujussuuvoq, Jonas Jensen KNR-imut taama oqarpoq.

- Kalalliit peqataasut pissuserissaarput. Taanngassimaarutigiserujussuuagut. Unamminermi timersortartorpalaarput  aammma unamminerit avataani  pissuserissaarput, Jonas Jensen taama oqarpoq.

Timersortartut 67-it Arctic Winter Gamesimi peqataasussaagaluarput marluk peqataanngitsoorput. Timersortartut 1.800-it Arctic Winter Gamesimi peqataapput.