Asii: Aningaasaqarnerput akisussaassuseqartumik aqulernikuuarput
Borgmesterip Asii Chemnitz Narupip oqarnera naapertorlugu, kommune naatsorsuutigisamit tre million kr-nik sinneqartooruteqarnera nalaatsornerinnaanngilaq.
Aamma atuaruk Sermersooq naatsorsuutigisamit sinneqartooruteqarnerusoq
- Siullermik oqaatigissavara pitsaarujussuarmik akisussaassuseqarluartumillu aqutsilernikuuvugut, Asii Chemnitz Narup taama oqarpoq.
Kommunep aningaasaqanera Nuummi annertuunik sanaartortoqarneratigut iluaquserneqarpoq.
Maannakkut nutaammik umiarsualiviortoqarpoq aamma parnaarussivimmik matoqqasumik sanasoqarpoq.
- Taakkua suliffinnik nutaanik amerlasuunik pilersitsipput, nunaqqatigut sullipput imminnut napatipput pilersorput kommunip karsianut akileraartarnikkut peqataallutik, Kommuneqarfik Sermersuup borgmesteria Asii Chemnitz Narup taama oqarpoq.
Aamma atuaruk Kommuneqarfik Sermersooq sukannersumik nakkutigineqalersoq
Kommuneqarfik Sermersuup aningaasaqarnera Namminersorlutik Oqartussanit sukannersumik 2014-mi nakkutigineqalerpoq, kommunip aningaasat uninngasuutai 2013-ip naalernerani 23 million kr-niusut paasineqarmat.
Kommunip aningaasat uninngaasuutai 2015-ip naanenrani 101 million kr-niupput.
Asii Chemnitz Narup oqaluttuarpoq kommunip missingersuutai ingerlaavartumik malinaaffigineqartut taamannalu pissutigalugu missingersuutit aalajangeriikkat maleqqissaarneqarnissaannut pikkoriffigineqalersoq aamma Kommuneqarfik Sermersuup aningaasaqarnera kommunit nakkutilliisuinit 2014-mi nakkutigineqalernera kommunimut misinnarsimalluni.
- Kommunit nakkutilliisuinit nakkutigisaanerput quarsaarutiginikorujussuuarput, peqqusiileqinikuuqaagut, imaluuniit uanga - taama oqarsinnaavunga, taamaattumik sakkussat pitsaanerusumik aqutsinissamut inerisarpagut taamanikkorningaaniit, aammalu atorfillit ataasiakkat akisussaassuseqarluarlutik aqutseqataanissamut piumassuseqarlutillu ilertsersorneqarput, Kommuneqarfik Sermersuumi borgmesteri Asii Chemnitz Narup taama oqarpoq.
Aamma atuaruk Sermersuup aningaasaqarnera sukannersumik nakkutigisaajunnaartoq