Sermersooq naatsorsuutigisamit sinneqartooruteqarnerusoq
Nuummut nuuttorpassuarnit akileraarutitigut isertitaqarneruneq Kommuneqarfik Sermersuup aningaasaqarniarneranut iluaqutaasimavoq, kommunilu 2015-imi 23,5 millionit koruuninik sinneqartooruteqarluni.
Allattoq Inge S. Rasmussen
Nutserisoq Ivik Kristiansen
Taakkulu naatsorsuutigisamit 3 millionit koruunit missaannik amerlanerupput.
Aamma suliffissaaleqisut ikilineri, taamaammallu pisortanit ikiorserneqartut ikilineri kommunip aningaasaqarniarneranut iluaqutaasimavoq.
Kommunip 2013-imi Namminersorlutik Oqartussanit sukannersumik nakkutigineqanerata kingorna akiliisinnaassuseqarnera malunnartumik pitsaanerulersimavoq.
Kommuni 2015-ip naanerani 101 millionit koruuninik akiliisinnaassuseqarpoq, taakkulu kaaviiaartitat 6 procentiunissaannik kommunip piumasaqaataanit amerlanerupput.