Science week: Arsarnerit tusaasinnaavatit
Soorlu ungaluukkat innaallagiallit imaluunniit illuinnarsuut qupinnguallatsitsisartup neeqquluppalunnera kisianni taamaanngilaq.
Nipi taanna arsarnerit niperaat, ulloriarsiornermut ilisimatooq, Nimesh Patel oqarpoq.
- Una radiup maligaasaanik akuttusuunik tingooraassutaavoq, Inspiremik meqqilik. Taanna NASA-p ilinniartitsinermut kiisalu sulinermut atatillugu atortorissaarutitut atortarpaa, taanna oqarpoq.
Nimesh Patel Greenland Science Weekimut ulluni makkunani Nuummi Sisimiuni aaqqissuunneqartumut ilaavoq, tassanilu arsarnerit nipaat tusaaneqarsinnaavoq.
- Tusaasinnaavat uuma antiinia qullartilaaraanni nippaarissisartoq, siorsuppaluk tusaassavat soorlu arsarnerit qilammi maligaasatut illutik ingerlaaleraangata, ulloriarsiornermut ilisimatooq oqarpoq.
Upperisatoqqat oqaluttuatoqqallu ilagigaat
Arsarnerit nunatsinni Issittumilu sumiiffinni allani pingaartumik takuneqarsinnaasarput. Seqinitsinniit pinngoqqaatit supineqarujussuarlutik nunarsuatsinni magnetfeltiata qalasersuata eqqaanut pigaangata Arsarnerit pinngortarput, ulloriarsiooq, Ivalu Barlach Christensen, oqarpoq.
Qilammi qalipaatiginnerisa saniatigut arsarnerit nunatsinni upperisatoqqani qangarsuaaniilli tusarsaallutillu takussaajuarput. Taamaammallu ulloriarsiuut Greenland Science Weekeqarnerani ilisimatusarnikkut paasisaminnik siammartererusupput.
Uani videomi ataaniittumi arsarnerit tusaasinnaavatit.