Poppel: Arnat naaggaarnissaminnut, unneerluussinissaminnut sapiinnerusariaqarput

Nunatsinni pinngitsaaliillutit atoqateqartartut politiinut unnerluutigineqartartut ukiuni kingullerni tallimani amerliartorput, ukiorli kingulleq unnerluutigineqarsimasut aatsaat taama amerlatigillutik 156-iummata.

Arnallu ajortumik pineqalerunik naaggaarsinnaasariaqalerput.  Pinerlineqarsimagunillu unnerluutiginnipallattarnissaat piffissanngorpoq.
Ilisimatusarfiup Isumaginninnermut Immikkoortortami adjunkti, Mariekathrine Poppel isumaqarpoq:

- Sapiinnerusariaqalerpugut arnaasugut, ammasumik oqallissinnaasariaqarpugut pineqarsimanigut pillugit. Mittatigineqarsimagutta imaluunniit annersinneqarsimagutta timikkut imaluunniit kinguaassiutitigut. 

AAMMA ATUARUK Arnat ulluat Taseralimmi nerersuaqatigiinnermik malunnartinneqassasoq

Pinngitsaaliillutik atoqarteqartartut ikilissappata pinngitsaaliisimasut samminerusariaqalersut, taana amma isumaqaepoq.

-  Angutit taamatut inissisimasut aamma ajornartorsiutinik ulikkaartaramik. Taamaattumik taakkua soorukua taamaappat, paasiniarnissaat pingaaruteqangaatsiarpoq,

Angutit pinngitsaaliillutik atoqarteqartartut, namminneerlutik meeraanerminni kinguaassiutimikkut kanngutsaatsuliorfigineqareersimasuusinnaasut Mariekathrine Poppel oqarpoq.

- Angutit arnanik anniartitsisartut imaluunniit kinguaassiutitigut innarliisartut, ilaqutariinni pisimagaangat. Taavalu taakkua pisut nipangiunneqarlutik tassani meerartaasa aamma ilinniartarpaat; tassa taamatut aamma pissusilersorsinnaassallutik inersimasunngoruni,Mariekathrine Poppel taama oqarpoq.