Arnat assammik arsartartut nunanut allanut unammisartuisa aqutsisuat: Maaniinnissarput nukissaqarnerulersitseriaannarpoq

Nunarput arnat assammik arsartartut VM-imut juunimi anngunniunneranni aaqqissuisuussasoq kalaallit arnat assammik arsartartuisa nunanut allanut unammisartuisa paasigamikku qiimmattariasaanngikkaluarlutik pilluaammeqisut pissangaammeqisullu malunnarpoq.

Timersoqatigiiffiit Assammik Arsartartut Kattuffianni (TAAK) siulersuisut siulittaasuat, Carsten Olsen, taama oqaluttuarpoq.

- Killisimaaqisut malunnaqaaq. Misigalugu nuanneqaaq. Killisimaaqigamik uniffeerupput, misigisarli nuannerluinnarpoq qutsannaqaallu, taanna oqarpoq.

AAMMA ATUARUK Nunarput arnat assammik arsartartut VM-imut anngunniunnissaannut aaqqissuisuussasoq

Arnallu assammik arsartartut VM-imut Nuummi anngunniuttussanngornerat, kalaallit arnat assammik arsartartuisa nunanut allanut unammisartuisa aqutsisuat, Ivaana Holmip, aamma nuannaarutigalugulu qilanaareqaa. Nunagisamili anngunniuttussanngorlutik paasigamikku upperiuminaatsissimavaat.

- Tusaratsigu iluamilluunniiit qisuariaateqanngilagut uppernanngingaarmat, taanna oqarpoq.

Qularnanngitsumillu angunniunnerit imaannaanavianngitsut arnartavullu anngunniuteqataasussat nunami allami anngunniuteqataanermit allaaneroqisumik misigisaqarlutik nunagisami anngunniuteqataanerminni pissangaqalutik tamaviaaqqeriaannanngitsoornavianngitsut, Carsten Olsen erseqqissaavoq.

- Pisussarmi immikkuullarilluinnarpoq. TV-kkummi malinnaavigineqarluni VM-imut nunami allarluinnarmi anngunniunneq nunagisami nunaqqatinik qanimut illersorterpassuaqarlunilu malinnaavigineqaqqissaarlunilu anngunniunnerminngarnit allaaneroqaaq. Tamaviaarnartorujussuuvoq, taanna oqarpoq.

Misigisaq immikkuullarilluinnassaaq 

Assammillumi arsaqatigisartakkanilu tamaviaaqqeriaannanngitsoornaviannginnertik qularutiginngikkaluarlugu nunagisami anngunniunnissartik merserinngilaat.

- Maaniinnissarput nukissaqarnerulersitseriaannarpoq. Piumassuseqareerpugut, maaniinnissarpulli piumassuseqarnerulersitsivoq, taanna oqarpoq. 

Ivaana Holm fortæller samtidigt, at hun til VM-kvalifikationsturneringen personligt har et mål om at spille så godt som muligt.

- Imminut piumaffiginerulerpunga. Pitsaanerpaamik takutitserusuppunga namminerlu angorusutara sukataarlunga anguniassavara, taanna erseqqissaavoq. 

Nuannaffiussaaq

TAAK-ilu VM-imut nunatsinni aasaru anngunniuttoqarnissaanut suna qilanaarinerpaaneritsik aperigatsinni, Carsten Olsen nangaarianngivilluni akivoq.

- Maani 2018-imi Pan am-ertoqarneranisulli nuannaffiussaaq. Arnartattali tulluusimaarutigeqisatta anngunniuttussaanerat assigiinngitsutaaginnarpoq. Inunnik Inussivimmi katersuutsitsinissarput KNR-ilu suleqatigalugu TV-kkut toqqaannartumik aallakaatitsinissarput qilanaaraarput. Nuannatsitsinissatsinnullu aamma qilanaaqaagut, taanna oqarpoq.

AAMMA ATUARUK Assammik arsarnermi arnat VM-mut anngunniunnissaannut Nunarput aaqqissuisuujumavoq

Ivaana Holm Inussivimmut nuannallutik isiginnaartorpassualimmut isernissaminut aamma erinisullunilu neriuppoq sapinngisamik angusarissaassallutik. 

- Neriuutiginerpaavarput anngunnissaq, taanna aamma sulissutigaarput - assorsuaq. Kingullermik anngunniunnerput puigorlugu nukinik nutaanik katersivugut piareersarlutalu. Soorunami aamma neriuutinut ilaavoq isignnaartarfik manna ulikkaarlugu isiginnaariartortoqartarumaartoq. Uagutsinnut nukissamik tunisisussamik, taanna naggasiivoq.