Arctic Winter Games 2016-ip ilisarnaatissaanik erinarsuusiortuussavit?
Arctic Winter Gameseqarnerit tamaasa ilisarnaammik erinarsuusiortitsisoqartarpoq - ukiormannalu aamma taamaaliortoqassaaq.
Taamaammat Arctic Winter Games 2016-ip allattoqarfia ukiuunerani unammiuaarnerit ilisarnaatitut erinarsuutissaannik nunatsinni erinniortartut unammisinniarlugit aalajangersimavoq.
- Nunatsinni pikkorissorsuarnik erinarsuusiortartoqarpugut, immaqa ilisarisimaneqarpallaanngikkaluartunik. Taakku erinarsuusiornermik nuannarisaqartuupput taamatullu aallutaqarnertik nuannaralugu.
- Taakkulu - avannaamiut, tunumiut, kujataamiut qeqqaneersullu - soqutiginnippata erinarsuusiornissaannik periarfissikkusuppagut, allattoqarfimmi kulturilerinermut pisortaq, Ruthhttp://knr.gl/da/node/169700/edit?destination=unpublished&content_lock_token=suH0g0R3EBOMkdDvrEPfbBq-bpxHuryPbgxnrXOBj-A Montgomery-Andersen, taama oqarpoq.
Aamma atuaruk Holdet bag Arctic Winter Games er på plads
Erinarsuummut piumasaqaatit ikitsunnguupput.
Minutsit pingasut missaannik sivisussuseqassaaq.
Nammineq erinniaassaaq.
Kalaallisut aamma/imaluunniit tuluttut immiunneqassaaq.
Arctic Winter Gamesillu pingaartitai pingasut erinarsuummut isumassarsiorfigineqassapput, tassalu ataatsimoorneq, alaatsinaassuseq sapiissuserlu, taakkumi unammiuaarnerni kulturikkut timersornikkullu aaqqissuussinerni qiutinneqassammata.
Arctic Winter Games 2016 pillugu allaaserisat uani atuakkit
- Erinarsuut toqqarneqartoq inuit tusaqqoorlugu nuannaralugulu erinarsoqataaffigisassagaat naatsorsuutigaarput. Aamma inuit kalaallisut oqaaseqanngikkaluartut erinarsoqataaffigisinnaappassuk assut nuannissagaluarpoq, Ruth Montgomery-Andersen oqarpoq.
Ukiut siuliini ilisarnaatitut erinarsuutigineqartut uani tusarnaarneqarsinnaapput
Erinarsuut kingusinnerpaamik januaarip 15-iani 2015-imi allattoqarfimmut tunniunneqareersimassaaq.
Erinarsuut ajugaassutigineqartussaq naliliisartunit sumulluunniit attuumassuteqanngitsunit toqqarneqassaaq ajugaasorlu marsip qaammataani avammut nalunaarutigineqassalluni.
Ajugaasoq 10.000 koruuninik akissarsitinneqassaaq.
