Arctic Winter Gamesilerisussat piareerput

Allatseqarfik generalmanager Maliina Abelsen siuttoralugu ingerlanneqartussaq piareerpoq. ingerlalluartumimmi allatseqarfeqanngippat iluatsilluartumik aaqqissuussisoqarsinnaanngilaq.
Allattoq Peter Troelsen, Simon Uldum
januaarip 14-at 2014 07:30

Alaskami Fairbanksimi ukiormanna AWG-rtoqarnera naammasseriarpat aaqqissuussinissarsuarmullu tullermut akisussaaffik Nunatsinnut tunniunneqarmat allatseqarfissaq suliassanut piareeqqassaaq.

- AWG 2016-ip allatseqarfiani sulisut aalajangersimasut ilisaritissinnaanngorakkit nuannaarutigaara, aammalu AWG 2016 iluatsilluassappat inuiaqatigiinni kikkulluunniit attuumassuteqartut tamaasa suleqatiginissaat qilanaaraarput, Maliina Abelsen nassuiaavoq.

Allatseqarfiup inuttai Malina Abelsenip saniatigut tassaapput, Aviâja Lyberth Lennert, Director of Sponsorship and Project Managementitut decembarip aallaqqaataani atorfinitsinneqartoq, Arnakkuluk Jo Kleist, Assistant to General Manageritut januaarip aallaqqaataani atorfinitsinneqartoq kiisalu Claus Nielsen, Nuummi 2002-mi AWG-rtoqarnerani Director of Sportsitut atorfeqarsimasoq.

Aammattaaq Arina Kleist suliniuteqarnermi ikiortitut atorfinitsinneqarsimavoq, Martin Møllerilu aaqqissuussinermut aqutsisutut, AWG-mut atatillugu aaqqissuussinermut tunngasut annertoorujussuit isumagisussanngorlugit marsip aallaqqaataanit atorfinissalluni.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk