Aqqaluaq B. Egedep Vittus Qujaukitsoq avoqqaaraa
Aningaasaqarnermut ataatsimiititaliap naalakkersuisullu akornanni kiffartuussinissamik isumaqatigiissutit pillugit assortuuttoqarnera, aningaasaqarnermut ataatsimiititaliami ilaasortamit, Aqqaluaq B. Egedemit, KNR-imut nalunaarutigineqarpoq.
Aningaasaqarnermut ataatsimiititaliap, qinersinissap nalunaarutigineqarnerata kingorna taamatut aalajangiisoqareeraluartoq, ukiup tullianut isumaqatigiinniassutaasut, nunamut namminermut naalakkersuisuugallartup akuersitinniarsarimmagit, ippassaq aningaasaqarnermut ataatsimiititaliaq suliaq pillugu ataatsimeeqqittariaqarsimasut, Aqqaluaq B. Egedep oqaatiga. Aalajangernertillu allanngortinnagu erseqqissaassutigalugu:
Aamma atuaruk Air Greenland: Angallassissanersugut qularnarallarpoq
Itigartitsineq Aningaasaqarnermut Naalakkersuisup ataqqisariaqarpaa. Aqqaluaq B. Egede KNR-imut oqarpoq.
Aamma atuaruk Kiffartuussinissamut isumaqatigiissut unittoortitsisoq
Kiffartuussinermut isumaqatigiissutaareersoq allanngortinnagu ukioq ataaseq sivitsorneqarnissaata innersuunneqarnissaanik ataatsimiitsitaliaq isumaqatigiittoq, aningaasaqarnermut ataatsimiititaliami siulittaasup, Jens Immanuelsenip, Siumumeersup, uppernarsarpaa.
