Kiffartuussinissamut isumaqatigiissut unittoortitsisoq
Qaqortumi innuttaasut juullikkunni sulinngifeqarnerup atuanngiffeqarnerulluunniit nalaani illoqarfimmut allamut aallarniarunik Qaqortumut uternissaat ajornarpoq, Air Greenlandip Narsarsuarmiit Qaqortumut timmisartuussinissamut pilersaaruteqanngimmat.
Qaqortumi ilinniartoq ilinniarfimminit akiliunneqarluni Sisimiunut feeriarniarluni billetsinik inniminniisinnaanngitsoq kipiluttunartorsiorpoq.
- Narsarsuarmiit Qaqortumukarnissarput ajornartorsiutaavoq. Qaqortumiit sisimiunut ajunngikkaluarpoq, Bent Pedersen oqaluttuarpoq.
Taanna ilinniarfimminit akiliunneqarnissaminut angalanissamut pilersaarut pisariaqartinneqaraluartoq billetsimik inniminniisinnaanngikkallarpoq, Air Greenlandip Namminersorlutillu oqartussat akornanni kiffartuussinissamut isumaqatigiissut suli inissinngimmat.
Angalatitsiviit maluginiarpaat angalaniarlutik aporfeqartut allaqartut.
- Billetsisiniaraluarlutik utersinnaannginnertik peqqutigalugu inimminniisinnaangitsut arlaqarput, ULU Travelimi piginnittoq Najaaraq Skifte Møller oqarpoq.
