Politikki

ISUMASIUINEQ Aningaasaqarneq qinersisartut pingaartippaat, ilisimasalik isumaqarpoq

Inuit Ateqatgiit Siumumit anginerulertussasut maannakkorpiaq isikkoqartoq, qinersisartunit isumasiuinerup, Epinionip KNR DR-ilu sinnerlugit suliaata, takutippaa. Aamma ersippoq, qiersisartut quliugaangata arfinillit kikkunnik qinersissallutik suli aalajangersimangitsuit.

Allattoq Walter Turnowsky, Jens Thorin

novembarip 19-at 2014 15:30

IA-p siuarneranut Siumut malinnaassaguni, aningaasaqarnermi pissutsinik sammisaqartariaqartoq, politikkikkut oqallinermik malinnasoq Daniel Thorleifsen oqarpoq.

- Massakkut Nunatta aningaasaqarnera annertoorujussuarmik eqqartorneqarpoq, taavalu suliffissaaleqineq eqqaartorneqarpoq. Inuillu qinersisartut aamma taanna soqutigalugu pivaat. Arlaatigut tassuuna aaqqiissutissanik toqqaannartumik saqqummiussisinnaaguni, partii arlaat, assiliaq una ullumikkut atuuttoq allanngortissinnaassavaa aatsaat. Daniel Thorleifsen taama KNR-imut oqarpoq.

Taassuma aamma erseqissarpaa, kia Naalakersuisunik siulittasunngorumaarnerra Hans Enoksenip aalajagersinaassagaa qularnarunaaveqqajaammat.

Aamma atuaruk IA partiit anginersarilissavaat

- Nutaanik qineqqusaarutinik saqqummertoqanngippat, taamaatut ilimagineqarsinnavoq aamma una isumasiuineq nikingaarnavianngitsoq, kisianni soorunami apeqqutaapput suut qineqqusaarutit ullut kingulliit qulit saqqummiunneqassanersut, taakkua takutikkumaarpaat ilumut allanngungaassanersoq. Politikkikkut oqallinermik malinnaasoq Daniel Thorleifsen taama KNR-imut oqarpoq.

Epinionip misissuinerata takutippaa, IA qinersinermut kingullermut 2013-imi pisumut sanilliullugu 2 procentimik siuarialaassasoq. Siuariarnerli taanna naatsorsueqqissaarnerni nalornissutaasartut, tassalu siulittuinerit 3,6 procent tikillugu nikigasoqarsinaanerata iluaniippoq. Tassaluimaassinnaavoq IA qinersinermut kingullermut naleqqiullug siuarianngitsoq.