Ujaasineq: Angutip ujaarineqarnera unitsinneqarpoq
Issittumi Sakkutooqarfiup politiillu Kujataani Nanortalimmi angut 61-inik ukiulik tallimanngormalli tammaaneqartoq ujarunnaarpaat.
Angut tallimanngormalli ujaarineqalersoq suli nassaarineqanngilaq, ujaasinerlu unippoq.
Allattoq Nicole Sander Bertelsen
oktobarip 05-at 2023 17:19
Nutserisoq Najâraq Egede
Politiit Issittumilu Sakkutooqarfiup angut Nanortalimmeersoq 61-inik ukioqartoq sapaatiummalli ujaarilerpaat.
Kisianni ujaasineq maanna unitsinneqartoq, Kalaallit Nunaata politiivini pigaartut pisortaat Ole Hald sisamanngornermi ualisoq ilisimatitsivoq.
Læs også Mand forsvundet fra Nanortalik
- Ilaqutaasut oqaloqatigereerlugit, ujaasineq unitsissallugu ullaap tungaagut aalajangiupparput, pigaartut pisortaat Ole Hald ilisimatitsivoq.
Issittumi Sakkutooqarfik suleqatigalugu unitsitsinissamik aalajangiivugut, 61-inik ukiulik kingullermik takuneqarmalli ullorpassuit qaangiutereermata.
Angut tallimanngormat kingullermik takuneqarpoq, Nanortalimmiit umiatsiaq Poca qaqortoq angallatigalugu kujammut aallarpasissoq takuneqarmat.
