Angut Uummannami qungatsimigut kapineqartoq: Politiit qimmiata pinerluuteqartoq nassaaraa
Uummannami politiit pinerluuteqarsimasorineqartoq ataasinngornermi unnukkut tigusaraat.
![](/sites/default/files/styles/image_934x467/public/article_images/img_7178.jpg?itok=0AhzTinW)
Angut erngertumik napparsimmaviliaanneqarpoq inuunerminillu navianartorsiorani.
Allattoq Malik Brøns
Uummannami politiit ataasinngornermi unnukkut nalunaaqutaq 21.30 najukkamut ornigutsinneqarput, tassani angut qungatsimigut savimmik kapineqarsimasoq nassaarineqarpoq.
Politiit tusagassiuutinut nalunaarummi allapput.
AAMMA ATUARUK Politiet efterlyser vidne i efterforskning af drabssag i Aasiaat
Angut erngertumik napparsimmaviliaanneqarpoq inuunerminillu navianartorsiorani.
Tamatuma kingorna politiit qimmertik, Chase suliaqartippaat.
- Pinerluttuusimasutut pasineqartoq politiit qimmiat Chase ikiorsiullugu sumiiffissineqarpoq, kingornalu tingusarineqarluni, politiit allapput.
Politiit pinerluuteqartutut pasineqartoq ullumi kingusinnerusukkut Qaasuitsup Eqqartuussiveqarfiani inatsit tunngaviusoq naapertorlugu killisiorneqarnissaa naatsorsuutigaat.