Angut toqutsinissamik sioorasaarineragaalluni tigusaasoq

Angut ilaquttaminik toqutsinissamik sioorasaarineragaalluni Nuummi Nuussuarmi ullaaq manna tigusaavoq.

Aquttua 54-inik ukiulik nassuiaaneermini oqarpoq festeriarami taakku nassarlugit. Taamali nassuiaanera politiinit upperineqarani.

Allattoq Nicole Sander Bertelsen

oktobarip 17-at 2023 10:41

Nutserisoq Hanne Petersen

Angut 24-nik ukiulik qatanngutiminik angajoqqaaminillu toqutsinissamik sioorasaarineragaasoq Nuummi Nuussuarmi unnuaq ulapputigerrakkitsik, Kalaallit Nunaanni Politiit pigaartuisa pisortaat Mark Larsen ullaaq manna ilisimatitsivoq.

Angummik angerlarsimaffiit ilaanni savilersortoqartoq sioorasaarisoqartorlu, politiit ippassaq ataasinngornermi unnukkut qulit missaanni nalunaarfigineqarput.

- Pisoqarfimmut ornigutilertoqqaartortavut apuukkamik angummik savilersortoqartoq takugamikku suleqativut immikkut sungiusakkat ornigutsittariaqarsimasaat aqerlumut illersuuteqarrallutik sakkulisarrallutillu apuupput, politiit pigaartuisa pisortaat oqarpoq.

Politiiniinnaanngitsoq ikiugassaasoq

Politiit angut taanna Nuummi Nuussuarmi angerlarsimaffiit ilaannit inunnik allanik pingasut sisamallu akornannik inulimmit aneqqullugu unnuaq naangajallugu ulapputigaat. Angut taanna unnuaq sisamat missaanni tigusaavoq.

- Angut tigusarisartik eqqartuussivimmut sassartinneqarnani Peqqinnissaqarfimmilli ikiorneqaruni pitsaanerussasoq nalileritsik, Mark Larsen oqarpoq.

Aamma atuaruk Nalunaarusiaq: Inuit marluk savilersorsimasutut politiinit tigummigallagaasut

Taamaammat unnerluussisussaatitaasut angut taanna eqqartuussivimmut sassartinneqassanngitsoq aamma nalileraat tamatumanili suliaq soorunami misissoqqissaarniaraat, Mark Larsen aamma oqarpoq.

Angut taanna suli tigummigallaritsik, politiit pigaartuisa pisortaat ullaaq manna ilisimatitsivoq.

Nutaarsiassami kukkunermik nassaarsimaguit uunga allaffigineqarsinnaavugut.