Paamiuni nakuusertoqarnerani pasineqartoq tigummigallarneqartoq
Nutartigaq: Angut Paamiunit Nuummut ullumi sapaammi ullaap tungaani timmisartuunneqarpoq. Carl Sværd, Nuummi politiineersoq, KNR-imut taama uppernarsaavoq.
Angut Paamiuni nakuusernermi ajoqusertoq timmisartumut King Airimut ilaatillugu Nuummukaanneqartoq, politiit nalunaarutigaat, politiilli ualiartoq oqaatigaat ajoqusertup qanoq-issusia allanngorartuunngitsoq.
Carl Sværdip ilisimatitsissutigaa Paamiut qiterpasissuani saassussisoqartoq, inummillu ataatsimik tigusarinnittoqartoq. Tigusarineqartoq inatsit tunngaviusoq aallaavigalugu Paamiuni ualimut killisiorneqareernermi kingorna ulluni 24-ni tigummigallagassanngortinneqarpoq.
Politiit suliamut atatillugu suli misissuimmata, saassussinermut suut pissutaasimasinnaanersut sukumiinerusumik paasissutissiissutigerusunngilaat.
