Politiit ullormut nalunaarutaat: Angut Nuummi Nuussuarmi biilinik ajutoortoq
Kalaallit Nunaanni Politiit Nuummi Nuussuarmi biilit pingasunngornermi ualikkut nalunaaqutaq ataasinngorsimatsiannartoq ajutoorsimanerannik nalunaarfigineqarput.
Kalaallit Nunaanni Politiit pigaartuisa pisortaat Jeppe andsager KNR-imut taama ilisimatitsivoq.
- Politiit biilinik ingerlatsisoq attaveqarfigaat, imigassartorsimallunilu biilinik ingerlatsisoq politiit paasivaat, soorlu aamma angut biilinik ingerlatsisinnaanermut akuersissummik atuuttumik peqanngitsoq paasigaat, Jeppe Andsager oqarpoq.
Angut kisimiilluni biilinik ingerlatsivoq, ajoqusernanilu, politiit ilisimatitsipput.
- Aqqusernup quasarnera, imigassartorsimalluniluunniit biilinik ingerlatsinera pissutaalluni angut biilit aqussinnaajunnaarsimanerai suli oqaatigisinnaanngilarput, Jeppe Andsager oqarpoq.
Angut imigassartorsimalluni biilinik ingerlatsisimasutut, biilinillu ingerlatsisinnaanermut akuersissummik atuutinngitsumik peqarluni biilinik ingerlatsisimasutut pasineqarluni maanna unnerluutigineqarpoq.
Angut imigassartorsimalluni biilinik ilumut ingerlatsisimanersoq politiit paaserusuppaat, tamannalu pillugu aaversippoq, imigassartorpallaarsimanersorlu tassuunatigut paasiniarlugu.
