Politiit ullormut nalunaarutaat: Angut imigassartorsimatilluni Uummannap eqqaani umiatsiaararsimasutut pasineqartoq
Uummannaq eqqaani umiatsiaaraq aquttoqarani sukkaannaq ingerlasoq umiatsiaarartunit allanit sapaammi takuneqarpoq. Umiatsiaaqqap aquttua nakkarsimavoq, iluliamullu qaqilluni imminut annaassimalluni, Kalaallit Nunaanni Politiit pigaartuisa pisortaat, Carl Sværd oqarpoq.
Politiit umiatsiaaraq ingerlaartoq pillugu nalunaarfigineqaramik aquttup nassaarinissaa pissutigalugu SAR-imik suliaqarneq aallartippaat. Politiit nammineq kajumissutsiminnik ikiuuttunit arlalinnit angummik ujaasinermi ikiorneqarput.
- Angut ajunngilaq, taassumali imigassartorsimatilluni umiatsiaararsimanissaa pasitsaakkatsigu aaversippoq. Imigassartorsimatillunilu umiatsiaararsimanini nassuerutigaa, Carl Sværd oqarpoq.
Angut nakkarnermini ajutoornermi unitsikkasuaateqarsimanngimmat umiatsiaaraq ingerlarsuinnarsimavoq. Taamaammallu angut nakkarsimasoq nalunaarsorneqarsimanani.
Aasiaat nunaqarfiani pinngitsaaliineq
Politiit umiatsiaarartup nalunaarutigineqarnerata saniatigut Aasiaat pigisaani nunaqarfimmi pinngitsaaliisoqarsimaneranik aamma nalunaarfigineqarput.
- Suliaq misissuiffigeqqissaarneqarpoq, pasineqartorlu unnerluutigineqarlunilu tigusarineqarpoq, taannalu maanna tigummigallarneqarluni, pigaartut pisortaat oqarpoq.
