Politiit ullormut nalunaarusiaat: Angut imigassartorsimalluni biilertutut pasineqarluni tigusarineqartoq
Angut Nuummi unnuaq imigassartorpallaarsimalluni biilersimanersoq aaversinneratigut aalajangerneqassasoq, Kalaallit Nunaanni Politiit paasissutissiipput.
Nuummi ulorianartumik biilertoqartoq politiit nalunaaqutaq 01.00 nalunaarfigineqarput.
Allattoq Hanna Vestergaard Hviid
novembarip 21-at 2023 10:03
Kalaallit Nunaanni Politiit imigassartorsimalluni biilertoqarneranut unnuaq aggersarneqarput.
Nuummi ulorianartumik biilertoqartoq politiit nalunaaqutaq 01.00 nalunaarfigineqarput. Politiit ornigupput biililu unitsillugu.
- Tigusarineqarluni imigassartorsimasutut pasineqarami imigassartorsimasoq paasineqarpoq, Kalaallit Nunaanni Politiit pigaartuisa pisortaat, Jørgen Madsen oqarpoq.
Pigaartut pisortaata angut aaversereernermini iperagaaqqittoq paasissutissiissutigaat. Politiit angut qanoq annertutigisumik imigassartorsimasoq oqaatigiumanngilaat, tamanna aaversinnerata takutikkumaarpaa.
- Akiligassiissutip qanoq annertutiginissaa imaluunniit qanoq pineqaatissiisoqassanersoq aaversinnerata inernerata aalajangissavaa, Jørgen Madsen oqarpoq.
