Angut imigassartorsimalluni biilersimasutut Nuummi tigusarineqartoq

Angut biilerluni Nuup qinnguata tungaanut nalunaaqutaq 20.34-p missaani ingerlaarnermini illoqarfiup tungaanut biilertoq alla apungajappaa. Illoqarfiup tungaanut biilertup, aporsingajattup biilernera ippigalugu malinniarlugu aalajangerpoq.

Angut Tikiusaakkut ammut sanguvoq illumullu iserluni, apungajannikuusaminillu malinneqarnini paasigamiuk, qaqqamukarpoq.

Politiit ornigupput, angullu qaqqamiittoq attavigeriarlugu aaversikkiartorniarlugu tigusarivaat.

Angutip eqqartuussivimmi suliassanngortinneqarnissani naatsorsuutigissavaa, sillimasut pisortaat Karsten Højrup oqarpoq.

Ulloq unnuarlu eqqissisimanarsimanera sillimasut pisortaata oqaluttuaraa, angerlarsimaffinnili eqqissiviilliortoqarsimavoq.

- Nalinginnaasumit eqqissiviilliortoqarnerunngilaq, sillimasut pisortaat oqarpoq.