Ullormut nalunaarut: Angut hashimik tigummiaqartutut mittarfimmi tigusarineqartoq
Angut 27-nik ukiulik hashimik kiilumik ataatsimik nassatalik Nuup mittarfiani sisamanngornermi tigusarineqarpoq.
- Akitsuuserisut nassaaraat, Kalaallit Nunaannilu Politiit unnerluussisussaatitaasuisa angutip ingerlaannaq eqqartuunneqarnissaa maanna anguniarpaat, sillimasut pisortaat Poul Kreutzmann oqaluttuarpoq.
Angut Sisimiunut angalasussaalluni anngiortumik eqqusseriaraluartutut paasisaavoq, sillimasut pisortaat oqaluttuarpoq.
Angut suliamut allamut tunngatillugu politiinit ilisimaneqareermat, politiit angut ingerlaannaq eqqartuussassanngortinniarpaat. Suliaq alla sumut tunnganersoq sillimasut pisortaata oqaatiginngilaa.
Poul Kreutzmann tamatuma saniatigut ulloq nipaannerarpaa, sapaatillu akunnerata naanera politiinut ulapaarfioreersoq ullut kingulliit nipaassimanerarpai.
