Angut 36-nik ukiulik ikiaroornartunik tigummiaqarneq anngiortumillu eqqussineq pillugu eqqartuunneqassasoq

Angutip 36-nik ukiullip ikiaroornartunut aallaasinullu inatsisinik unioqqutitsineranut tunngasut pissutsit arlallit Nuummi Eqqartuussisoqarfik Sermersuumi sisamanngornermi suliarineqassapput.

Unnerluussissut naapertorlugu angut 36-nik ukiulik pinerluttoq ilisimaneqanngitsoq peqatigalugu hashimik 292 grammimik nunatsinnut anngiortumik eqqussisimasutut ilaatigut unnerluutigineqarpoq. Hashi Danmarkimit nunatsinnut 2021-mi oktobarip 13-iani angalanermini nassataminut toqqorsimavaa.

Angut ukiormi tassani hashimik 0,42 grammimik kiisalu skunkimik 3,78 grammimik nammineq atugassaminik tigummisaqarsimasutut aamma unnerluutigineqarpoq. Taakku tamarmik angutip najugaani 2021-mi maajip 21-ani nassaarineqarput.

Angut tamanna sioqqullugu qoorortuunik eqittaannartakkanik marlunnik assigiinngitsunik kalibereqartunik kiisalu qoorortuumik allamik timmiarsiummillu equanik naalineqarsimasunik peqarsimasutut aamma unnerluutigineqarpoq.

Unnerluussissut naapertorlugu naalineqarnerat naatsunik aallaaseqarniarneruvoq.

Unnerluussisussaatitaasut pinerluuteqaqqinnermi ulluni 40-ni pineqaatissinneqarsimasunut inissiisarfimmiitsitsisussanngortitsisoqarnissaa piumasaraat.

Unnerluussisussaatitaasoq naapertorlugu angut tamatuma saniatigut 33.200 koruuninik akiligassinneqartariaqarpoq, kiisalu suliami aningaasartuutaasunik akiliisariaqarluni. Tamatuma saniatigut aallaasit pilattuummik kipisat kiisalu hashi skunkilu arsaarinnissutaapput.