Trump isumannaallisaanianik amerlanerusunik pisariaqartitsinerartoq

Republikanerit sinnerlugit USA-mi præsidentimut qinigassanngortittoq Donald Trump paarsisussanik isumannaallisaanianik amerlanerusunik pisariaqartitsivoq.

Floridami West Palm Beachimi golfertarfimmini toqoriaraluarnerarneqareersorlu Trump attaveqaqatigiittarfikkut X Spacesikkut marlunngornermut unnuaani taama oqarpoq.

Trump paarsisunik amerlanerusunik pisariaqartitsinerminik USA-p maanna præsidentianit Joe Bidenimit ataasinngornermi sianerfigineqareernermi kingorna oqaaseqarpoq:

- Joe Biden ullumi inussiarnisaartorujussuuvoq. Sianerfigivaanga ajunnginnersungalu paaserusullugu, arlaatigullu siunnersuuteqarnersunga aperalunga. Paarsisussanik amerlanerusunik pisariaqartitsisunga oqaloqatigiinnitsinni oqaatigaara, Trump oqarpoq.

Joe Biden præsidentip illorsuanit marlunngornermut unnuaani nalunaaruteqarpoq. Siornatigut præsidentiusimasup isumannaatsuunissaa pillugu paarsisut Secret Servicemeersut aningaasalersorneqarnerullutillu pisariaqartitanik amerlanerusunik tunineqarnissaat isumannaallisaasinnaassuseqarnissaasa qulakkeerneqarnissaa, Bidenip tassani oqaatigaa.

Trumpip præsidentiunerani, Trumpip Floridami maanna najugaani Mar-a-Lagomi isumannaallisaaneq allaanerungaanngitsoq, Secret Servicemi pisortaagallartup Ronald Rowe Jr.-ip tusagassiortunik katersortitsinermi oqaatigaa.