- Nannup eqqanimi qimmeqarnera inoqarnera qamuteralaallu qanittuani ingerlaarnerat soqutiginngilai, Ejnar Hammeken oqarpoq.Assi: Åge Pike

Angerlarsimaffimmi ikiortip nanoq niaquatigut marloriarluni aallaagaa

Ejner Hammeken sunngiffimmini piniartuuvoq, taannalu nanumik Ittoqqortoormiini marlunngornermi unnukkut toqutsisuulluni.

Ittoqqortoormiini qimmit nalunaaqutaq 21.45-p missaani miagguulerput, Ejner Hammekenillu nanoq illup silataani  ingerlaartoq takuaa.

Taanna ulluinnarni angerlarsimaffimmi ikiortaavoq, sunngiffimminilu piniartuulluni. Taamaammat angerlarsimaffimmini aamma qorortuujuteqarpoq. 

Nannunik toqutsisoqarnissaanut malittarisassat imaapput

 

Inuit ulorianartorsiortitsisoqarluni saassussisoqarnerani akiuiniarsinnaapput imaluunniit pinngitsoortitsiniarsinnaapput. Tassa inuinnaat inuit isumannaannissaat pillugu akuersissuteqarfigineqarnatik nanumik toqutsisinnaatitaapput. Taamaattoqassagaluarpallu pisup kingorna tamanna oqartussanit misissuiffigineqarumaarpoq.


Nanoq najugaqarfiusumut qanillattoruni Aalisarnermut, Piniarnermut Nunalerinermullu Naalakkersuisoqarfik akuersissuteqaqqaarluni nanoq aatsaat toqunneqassaaq.


Nanoq najugaqarfiusumiippat nanoq toqunneqartariaqarnersoq politiit aalajangigassaraat. Tamanna amerlanertigut Aalisarnermut, Piniarnermut Nunalerinermullu Naalakkersuisoqarfiup suleqatigineratigut aalajangiiffigineqartarpoq.

Pisuni allani tamani nannumik pisarnissamut akuersissuteqarfiunissaq pisariaqarpoq.

Paasissutissarsiffik: Pinerluttulerinermi inatsit, Nannut piniarneqartarnerat illersugaanerallu pillugu nalunaarut, Aalisarnermut Piniarnermut Nunalerinermullu Naalakkersuisoqarfik.

Ejner Hammeken silammut inuit nannumit qimaatitsiniarsarffianukarpoq. Nanorli soqutigisaqanngiivippoq. Naallu inuit silliagaluartut qamuteralaallu saneqquagaluartut ersissuteqanngilaq.

- Nannup eqqanimi qimmeqarnera inoqarnera qamuteralaallu qanittuani ingerlaarnerat soqutiginngilai, Ejnar Hammeken oqarpoq.

Taamaammat iliuuseqartariaqarluni eqqarsarpoq. Taamaammat qoorortuuni tigullugu pisariaqalissagaluarpat nannup aallaanissaanut piareersarpoq.

Sumiiffigisaata qanittuani nanoq nerisassanik – tassa qimminut nerukkaatissaqarsimasunik naamasaqarpoq. Nannup nerukkaatissaataasiviup matua avassimavaa kissaatigigunakkaminillu inississimalluni: Tassa sakiaa tamarmi qimminut nerukkaatissaataasiviup iluaniippoq. Nerukkaatissaataasivilli – nanumut ajoraluartumik – imaqanngilaq.

Uanilu nannup ersitinniarnera aamma iluatsinnani.

 

 

Åge Pike - isbjørn skudt

Video: Åge Pike

 

Ejner Hammekenilu taassumalu qoorortuua pisariaqartinneqalerput. Taanna aallaqqaammut nannumit 100 meterisut ungasitsigisumit seqqoqqaarpoq. Tamatuma kingorna nannup sakiaa tamarmi suli qimminut nerukkaatissaataasiviup iluaniittoq nanoq niaquatigut marloriarlugu aallaavaa.

Nannut ukiup taamaalinerani Ittoqqortoormiiniittarnerat qaqutigoortuunngilaq. Taamaammat piniarnermut nakkutilliisup nanumik qimagukkumanngitsumik inuit aallaanninnissamut aamma piareersarnikuuai.

AAMMA ATUARUK Nanoq qimminut nerukkaatissaataasivimmiittoq toqunneqartoq

Ittoqqortoormiini ukiumut 20-nik nannuttassiissuteqarpoq. Taakku tamarmik pisarineqareersimapput, nannulli illoqarfimmut qanillattornissaannut allanik malittarisassaqarpoq.

Piniarnermut nakkutilliisup, Erling Madsenip oqarnera naapertorlugu nanoq angutiviaavoq, nanorlu 2,15 meterinik takissuseqartoq pingasunit sisamanut ukioqassasoq taassuma naatsorsorpaa,

Nanorlu taanna piniartunit illoqarfiup avataani ullut marluk - pingasut matuma siorna takuneqartuussasoq ilimagaa. Piniartullu piffissami tassani nanoq qunusaarlugu qimaatinniarsimavaat.

Nannup toqunneqarnissaanut naalakkersuisoqarfik akuersissuteqanngitsoorpoq. Nannumilli toqutsineq pillugu maanna ilisimatinneqarsimalluni.

Nannup neqaa Ittoqqortoormiini utoqqarnut paaqqutarineqartariaqartunullu agguaanneqassaaq piniartullu aamma pissarsiassasut, piniarnermut nakkutilliisoq paasissutissiivoq. 

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat