Nannup piniartup aappaanit qanimut toqunneqarneranik pisoq kinguneqqarpoq.Assi: Åge Pike

Nanoq qimminut nerukkaatissaataasivimmiittoq toqunneqartoq

Nanoq Ittoqqortoormiit aqquserngani eqqissiviilliortitsinermi kingorna ippassaq unnukkut toqunneqartariaqarsimavoq.

Qimmit siullermik qiloqqaalerput. Tamatuma kingunitsianngua inuit qassiiusut igalaat silataanni aalasoqartoq takuaat.

Piniarnermut nakkutilliisoq, Erling Madsen nanoq Ittoqqortoormiini illut akornanni taartumi ingerlasoq pillugu marlunngornermi unnukkut nalunaaqutaq 21.45-p missaani sianerfigineqarpoq.

- Piniartut ilaasa takusimallugu qoorortuuni tigullugu illumi sanilerisaminukarsimavoq. Nanorlu piffissami tassani taartumi toqqorsimavoq, Erling Madsen KNR-imut oqarpoq.

Piniarnermut nakkutilliisup piniartunit sianerfigineqarami biilinik illoqarfimmi kaajallaalluni innuttaasunut aarlerinartoqarneranik kalerreeqattaapallappoq. Taaraluartormi inunnik aqqusinermi ingerlaartoqarpoq.

AAMMA ATUARUK Nammineq piumassutsiminik Ittoqqortoormiini nannunik alapernaarsuisartoq: Nannut illoqarfimmut pisut aallaasartigit

Taamaaliornerminilu piniartut marluk nanumik ujaaseqquai.

- Nanoq eqqamini inoqaraluartoq soqutigisaqanngitsorujussuuvoq, piniarnermut nakkutilliisoq KNR-imut oqarpoq.

Qimminut nerukkaataasiviup matua kivikkaa

Nannup piniartunit marlunnik nassaarineqarneranit video Facebookikkut siammarterneqarpoq. Nanoq sumiiffigerusulluinnakkaminiilersimagunarpoq: Sakiaa tamarmi qimminut nerukkaatissaataasivimmiilluni.

- Nanoq illut akornannut apuussimalluni qimminut nerukkaatissaataavisiviup matua kivissimavaa. Naallu nilliaffigineqarlunilu suaartarfigineqaraluarluni tamanna soqutiginngilaa, Erling Madsen oqarpoq.

 

Åge Pike - isbjørn skudt

Video: Åge Pike

 

Nannup piniartup aappaanit toqunneqarneranik pisoq kinguneqqarpoq.

Piniarnermut nakkutilliisup oqarnera naapertorlugu nanoq angutiviaavoq, taassumalu nanoq pingasunit sisamanut ukioqassangatippaa 2,15 meterinillu takissuseqarluni.

Ittoqqortoormiini utoqqarnut neqi

Nanorlu taanna piniartunit illoqarfiup avataani ullut marluk - pingasut matuma siorna takuneqartuussasoq ilimagaa. Piniartullu piffissami tassani nanoq qunusaarlugu qimaatinniarsimavaat.

Erling Jensen Ittoqqortoormiini ukiuni qulini piniarnermut nakkutilliisuuvoq. Taanna aasap ingerlanerinnaani 22-riarluni nanumik ersititsiartornissamut saaffigineqarpoq.

AAMMA ATUARUK Qeqertarsuatsiaat: Isbjørnene er dræbt

Nannup toqunneqarnissaanut naalakkersuisoqarfik akuersissuteqanngitsoorpoq. Nannumilli toqutsineq pillugu maanna ilisimatinneqarsimalluni.

Nannup neqaa Ittoqqortoormiini utoqqarnut paaqqutarineqartariaqartunullu agguaanneqassaaq piniartullu aamma pissarsiassasut, piniarnermut nakkutilliisoq paasissutissiivoq. 

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat