Aneerasaartarfiit ulorianarsinnaasut misissuiffigineqartut

Nuummi Qapiarfiusaami inissiani aneerasaartarfiit nakkaattoorsinnaanerannik misissuiffigineqaleruttortut, inissiaatileqatigiiffik INI A/S paasissutissiivoq.

Aamma atuaruk Aneerasaartarfiit akisussaaffigineqarumanngitsut

Inissiat 12-13-llu aneerasaarfii suliffeqarfimmit LH Siunnersortimit oktobarimi misissorneqareerlutik uloriananngitsutut nalilerneqarput. 

Inissianili tallimaasuni attartortut suli utaqqeqqaassapput, novembarimi decembarimilu aatsaat misissuisoqassammat. Inissiaatileqatigiiffimmi INI A/S-imi sullissinermi pisortaq taama oqarpoq.

Aamma atuaruk Aneerasaartarfiit nakkaattooriaannaasut

Nunap sivingavallaarnera pissutaalluni aneerasaartarfiit kranimik misissorneqarsinnaasimanngillat, pisortaq Christine Tønnessen erseqqissaavoq.

- Allatut pilersaarusiorput, inissiat aalajangersimasut iserfigalugit aneerasaartarfiit misissorniarlugit.

Inissiani aneerasaartarfiit aalajangersimasut suliffeqarfimmit LH Siunnersortimit misissorneqassapput, aneerasaartarfiit iluarsartuunneqassanersut taakkunanit nalilerneqassaaq