Aneerasaartarfiit akisussaaffigineqarumanngitsut
Nuummi Narsarsuarmi blok 2-mi blok 3-milu aneerasaararfiit taarserneqarnissaannik akisussaasuujumasoqanngilaq.
Altanit siorna novembarimi peerneqartut taarserneqarnissaannik akisussaasuusunik KNR attaveqarniarsimagaluarpoq iluatsinngitsumillu.
Nuummi Narsarsuarmi inissiat blok 1-imit blok 10-mut allaffissornikkut isumaginnittuata Inissiiatileqatigiiffiup INI A/S-ip KNR-imut oqaluttuaraa aneerasaartarfiit suliarineqarnissaat suliffeqarfimmut siunnersuisarfiutigisumut LH Siunnersortimut tunniunneqartut.
LH Siunnersortip KNR-imut oqaatigisinnaannginnerarpaa aneerasaartarfiit qaqugu taarserneqassanersut iluarsaanneqassanersulluunniit.
Aamma atuaruk aneerasaartarfiit-nakkaattooriaannaasut
Aneerasaartarfiit blok 2-miittoq aamma blok 3-miittoq siorna novembarimi peerneqarput taakkualu qanoq pineqarnissaat pillugit KNR inissiaatileqatigiiffimmut INI A/S-mut saaffiginnikkaluarpoq.
INI A/S-imit erseqqissaatigineqarpoq, inissiat ataasiakkaat pillugit oqaaseqarsinnaanatik aamma blokkit 1-imit 10-mut aneerasaartarfiit pillugit.
INI A/S-ip inissianik piginnittunut, tassalu Namminersorlutik Oqartussanut innersuussivoq, nutaanik aneerasaartarfiliornissamut taakkua aalajangiisussaammata.
Namminersorlutik Oqartussat pineqartoq pillugu aamma oqaaseqarsunngillat aneerasaartarfiit isumannaatsuunissaat pillugit. Namminersorlutik Oqartussat INI A/S-imut innersuussipput.
Aneerasaartarfiit peerneqartut assersoqqapput, LH Siunnersorti taama nalunaarpoq. Qaqugu kikkullu aneerasaartarfiit suliarineqassanersut suli ilisimaneqanngilaq.