Nunanut allanut tunngasuni naalakkersuisup Ane Lone baggerip Amerikap nunanut allanut ministeria Mike Pompeo pingasunngornermi naapissavaa.Assi: Ane Lone Bagger

Ane Lone Baggerip Pompeo naapileraa

Ane Lone Baggerip Amerikap nunanut allanut ministeria Mike Pompeo pingasunngorpat napilerpaa.

Ane Lone Baggerip Pompeo qallunaat nunanut allanut ministeriata Jeppe Kofodip Pompeollu Washingtonimi pingasunngornermi atatsimiinneranni naapissavaa. Qallunaat Nunaanni nunanut allanut ministerinngortup Amerikami nunanut allanut ministerimik ataatsimeeqateqaqaarnerani kalaallimik naalakkersuinermik suliaqartumik siullermeerluni peqataasoqassaaq.

Qallunaat Nunaata nunanut allanut ministereriligaa amerikamiut nunanut allanut ministeriannit ataatsimeeqateqartarnera ileqquuvoq. Issittoq nunarpullu oqaluuserisassanut ilaammata tamanna pissaaq, suulli nunatsinnut Issittumullu tunngatillugu oqaluuserineqassanersut nalunarpoq.

AAMMA ATUARUK Tusagassiuutit: Pompeop bulldogia Trumpimit Kalaallit Nunaannukartinneqarpoq

Nunanut allanut tunngasunut naalakkersuisoq Ane Lone bagger KNR-imiit oqaaseqartissinnaasimanngilarput. 

Kalaallit Savalimmiullu nunanut allanut tunngasuni sunniuteqarnerulissasut

Nunanut allanut ministerip Jeppe Kofodip nunanut allanut sillimaniarnermullu tunngasuni nunatta Savalimmiullu sunniuteqarnerunissaat neriorsuutiginikuuaa, nunatta Savalimmiullu tamanna ukiuni arlalinni kissatigimmassuk:

AAMMA ATUARUK Pompeop tikeraarnissani taamaatiinnarpaa

- Suliamik uatsinnut pingaaruteqarsorisannik, naalagaaffeqatigiinni nunanut allanut tunngasunut, sillimaniarnermut illersornissamullu politikkimut suleqatigiinnermik nutarsaasussamik ullumi aallartitsivugut, Jeppe Kofod Nuummut qanittukkut tikeraarami oqarpoq.

Ministerili tamatumani tigussaasunik tikkuagaqanngilaq.

Pompeo maajimi tikeraartussaagaluartoq

Qallunaat naalakkersuisuisa sunniuteqarnerunissamik neriorsuileruttorneranni Nunarput USA-mit ukkanneqaleruttorpoq. Amerikamiit sinniisut angalasut oktoberimi kingullertut tikeraarput.

Angalasunut ilaatigut Amerikap nunanut allamut ministereqarfiani qaffasinnerpaatut inissisimasut ilaannik Thomas Ulrich Brechbuhlimik ilaqarput.

Mike Pompeop nunarput majimi tikeraartussaagaluarpaa, Ane Lone Baggerilu ataatsimeqatigalugu, taassumali tikeraarnissani piffissaq kingullikkut taamaatippaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat