Andreas Mogensenip avataarsualiartarfimmukarnissaa kinguartinneqaqqittoq
Qallunaaq avataarsualiartartoq, Andreas Mogensen, nunat tamat avataarsualiartarfiannukasanngikkallarpoq. Mogensen qanittumi avataarsualiarfimmi kommandørinngortinneqarpoq.
Amerikamiut avataaarsualiartitisarfiat, NASA, taama allattoq Videnskab.dk-mi issuarneqarpoq.
Andreas Mogensenip avataarsualiartarfimmukarnissaa kinguartinneqareernikuuvoq, tassalu oktobarip ulluisa aqqaneq-aappaanni pisussaagaluartoq oktobarip ulluisa 19-annut kinguartinneqarluni. Avataarsualiartarfiup qaavani nillusaatip ammaneqalersimanera kinguartinneqaqqinneranut pissutaavoq.
Nillusaat taanna sooq ammaneqalersimanersoq paasiniarlugu ingeniørit sulipput, misissuinerallu suli naammassinngimmat avataarsualiartartup Andreas Mogensenip avataarsualiartarfimmukarnissaa oktobarip ulluisa 19-iannut kinguartinneqarpoq.
Andreas Mogensenip avataarsualiartarfimmukartinneqarnissaa assiliissutip immikkut pisinnaasallip ikkunneqarnissaanik siunertaqarpoq.
Assiliissutip immikkut pisinnaasallip ikkunneqarnissaa akunnernik arfinilinnik sivisussuseqassangatinneqarpoq.
Assiliissutip immikkut pisinnaasalip nunarsuaq erseqqarinnerusumik filmiliarisinnaavaa, siusinnerusukkut tamanna pisinnaasimanani.
