Anarnap tippussaasimasup puussiat plastikkit 30-t aqajarormiorigai
![](/sites/default/files/styles/image_934x467/public/article_images/affald_pa_strand_hillary_daniels_flickr.jpg?itok=0obLd-Kj)
Ilisimatuulli anarnap naavi ammaramikkit nuanninngitsunik siumuipput.
Anarnammi naavini puussiat plastikiusut 30-t, mikroplasterpassuit, sukkulaat iffiallu puukui nassaarisimavaat.
Inaluai inuussutissanik sunilluunniit imaqarsimanngillat, biologillu ilimagaat toqunnginnermini kaassimassasoq anniaqalunilu.
- Tamanna nalorninanngilaq. Plastikkerpassuit qaleriaassimapput simigussimallutillu, uumasorsiooq Terje Lislevand Bergenip universitetianeersoq NRK-mut oqarpoq.
Taanna isumaqarpoq anarnap eqqakkat amikunut paarlaallugit nerisarsimagai taamaasillunilu nerisinnaajunnaarluni.
Norgemilu avatangiisinut ministerip Vidar Helgesenip qisuariarfigaa.
- Taamatut nassaarnerup eqqaasippaatigut imartat ajorluinnartumik inissisimasut. Plastik tassaavoq avatangiisinik mingutitsinerpaaq, tamannalu akiortariaqarparput, ministeri NRK-mut oqarpoq.
Imavissuit mingutsitaaneri ajornartorsiutaaqaat, ilisimatuullu aarleqqutigaat imavissuarni platikkit aalisakkanit 2050-imi amerlanerulersimassasut.
NRK-p allaaserisaani assit takukkit.