Anaanaasup panini atuarfimmit oqummit eqqorneqarsimasumit annippaa: Periarfissatut allatut allamut nuuttariaqassaagut
Maniitsumi 35-nik ukiulik Natuk Dorph Poulsen naammatsippoq. Panini arfineq pingasunik ukiulik Ivalu Atuarfik Kilaaseeqqamut atuariartortikkusunngilaa. Tassami atuarfik oqummit eqqugaammat.
- Massakkorpiaq atuarfik ima ajortigaaq isumaga malillugu isersimaffigissallugu peqqissutsimut ulorianarluni, Natuk Dorph Poulsen oqarpoq.
KNR sapaatip akunnera kingulleq oqaluttuarpoq, Atuarfik Kilaseeqqami ilinniartitsisut soraarartut, atuarfimmiinnissartik sapileramikku.
Massakkut angajoqqaat ilaasa aamma meeqqatik angerlarsimaannartissallugit toqqarpaat.
- Meeqqat atuariartortissallugit toqqissisimananngilaq, annilaanngatigaaralu piujuartussamik ajoqusissasut, Natuk Dorph Poulsen oqarpoq.
Aasaanerani atuanngiffiup kingornatigut Natuk Dorph Poulsenip pania 3. klassimi atualerpoq, taamaattumillu siorna inimut atuarfigisaminut, siorna oqunnini pissutigalugu matoqqanikuusumut, uterluni.
Naallu matuneqarnermi kingornatigut eqqiarneqareeraluarluni Natuk Dorph Poulsen naapertorlugu isersimanissaq suli peqqissutsimut ajoqutaavoq.
- Paniga suli napparsimalersimanngilaq, kisianni utaqqiinnarnianngilanga. Tassami atuaqatai arlallit napparsimareerput, Natuk Dorph Poulsen oqarpoq.
Iikkani silarlerni oquk
Sapaatip akunnerani kingullermi Atuarfik Kilaaseeqqami atuarfiup pisortaata Mina Marie Andersenip ilumoorneraarpaa septembarimi oqummik nassaartoqaqqittoq atuarfiup iigaasa silarliit ilaanni.
Taamaattumik kommuni ilagalugu utaqqiisaasumik aaqqiissutissamik ujartuipput, atuartut ilinniartitsisulliu tamarmik nuuffigisinnaasaannik.
- Pissutsit arlaannaannulluunniit iluanngilaq. Taamaattumik pisortaqatigiittut piumasaqaatigaarput qanoq iliortoqassasoq, Mina Marie Andersen sapaatip akunnera kingulleq KNR-imut oqarpoq.
Sapaatip akunnerani kingullermi Atuarfik Kilaaseeqqami atuarfiup pisortaata Mina Marie Andersenip ilumoorneraarpaa septembarimi oqummik nassaartoqaqqittoq atuarfiup iigaasa silarliit ilaanni.
Taamaattumik kommuni ilagalugu utaqqiisaasumik aaqqiissutissamik ujartuipput, atuartut ilinniartitsisulliu tamarmik nuuffigisinnaasaannik.
- Pissutsit arlaannaannulluunniit iluanngilaq. Taamaattumik pisortaqatigiittut piumasaqaatigaarput qanoq iliortoqassasoq, Mina Marie Andersen sapaatip akunnera kingulleq KNR-imut oqarpoq.
Taamaakkaluartoq assip Natuk Dorph Poulsen qisuariartippaa.
Pisortaasut kommunilu ininik utaqqiissaasunik nassaartinnagit panini atuarfiliaannianngilaa.
- Isumaqarpunga atuarfik ammasariaqanngitsoq, Natuk Dorph Poulsen oqarpoq.
Ernera Inuk suli atuarpoq, 2. klassiugami, taamalu illoqarfimmi inimi allami atuartinneqartarluni.
Atuartitsineq eqqorneqarpoq
Oquup atuartut ilinniartitsisullu peqqissusaat kisiat eqqunngilaa.
Qaammatip kingulliup ingerlanerani Atuarfik Kilaaseqqami ilinniartitsisut marluk soraarput, meeqqallu atuartinneqarnerat eqqorneqarluni.
Assersuutigalugu Eksempelvis har Natuk Dorph Poulsenip ernera ataasiinnarmik ilinniartitsisoqarpoq atuartitsissutinut tamanut. Tassa ilinniartitsisoq ataaseq atuartiytsissutinut soorlu matematikimut, kalaallisoornermut, qallunaatoornermut, tuluttoornermut, upperisalerinermut, timersornermut ilaalu.
- Ilinniartitsisut ataasiakkaat napparsimagaangata atuartitsisoqarneq ajorpoq. Meeqqanut aamma taartissaqanngilaq, taamalu atuanngiinnartarlutik. Ilaannikkut ulloq naallugu, Natuk Dorph Poulsen nassuiaavoq.
Saniatigut meerai aggustimiilli pingasoriarlutik nutaamik skemataarput.
- Skemataartuaraangata qanoq m isiginartoq allaaserineqarsinnaanngilaq, oqarpoq.
Naalakkersuisut akuleruttariaqarput
Siorna eqqiaasut oqummik nassaarmata Da rengøringsfirmaet sidste år fandt skimmesvamp på skolen, Natuk Dorph Poulsen angajoqqaat arlallit, ilinniartitsisut aamma atuartut ilagalugit piumasaqarput Qeqqata Kommunia nutaamik atuarfiliussasoq, aningaasaateqarfinnit aningaasalerneqartussamik. Kisianni en det stemte kommunalbestyrelsip itigartitsissutigaa.
Taamanikkut Dengang vurderede kommunalbestyrelsi naliliivoq atuarfimmik nutaamik sanaartorneq koruuninik 200-250 milliuuninik akeqassasoq. Taarsiullugu koruunit 71 milliuunit immikkoortinneqarput 2024-mi aasaanerani atuarfik tamakkiisumiik nutarterneqassasoq.
Nutarterineq ukiut pingasut qaangiuppata naammassineqassasoq ilimagineqarpoq, kisianni Natuk Dorph Poulsenip annilaanngatigaa kommnunimit ilaartuinerinnaasasoq.
- Isumaqarpunga naalakkersuisut akuleruttariaqalersut, Natuk Dorph Poulsen oqarpoq.
Aaqqiigallarneq sumi, qaqugu aamma qanoq ingerlanneqassanersoq suli ilisimaneqanngilaq. Atuarfik Kilaaseeqqap pisortaa Mina Marie Andersen KNR-imut oqarpoq kommuni suleqatigalugu suliaq ingerlallugu:
- Angajoqqaat ilinniartitsisullu eqqasuutaat eqqumaffigaavut, aamma atuartuutitta atuarissaarnissaat ilinniartinneqarnerallu pingaarnersiunermi qaffasissumiitippavut. Atuartitsinerup atuarfiup tamakkiisumik nutarterneqarnerata 2026-mi naammassinissaata tungaanut inini allani ingerlanneqarsinnaaneranut aaqqiinerit pimooruppavut. Atuartunut angajoqqaanullu pingaaruteqarnera paasivarput, Mina Marie Andersen KNR-imut mailimi oqarpoq.
Taamaannerani Natuk Dorph Poulsenip ulluinnarni inuuneq iluatsinniarsaraa. Paasisinnaalluarpaa angajoqqaat ilaat eqqarsarpata panimminut atuariartornissaq atuartinneqarnissarlu pitsaanerpaassasoq.
- Kisianni peqqissuseq pingaarnerpaavoq, taannalu aallaavigisariaqarparput, oqarpoq nangillunilu:
- Allatut periarfissaraarput Maniitsumiit. Manna siulliullugu misileqqartariaqarparput,iluatisnngippallu nuuttariaqassaagut. Ulorianartorsioqqinnianngilagut.
KNR-ip Qeqqata Kommuniata Ilinniartitaanermut Ataatsimititaliaani siulittaasoq, Siumumeersoq Evelyn Mølgaard oqaaseqartinniarlugu attaveqarfigaa. Taannali allaaserisap naammassereerfissaani periarfissaqanngilaq.
