Amerikamiut Danmarkimi nutaamik aallartitartaartut

Amerikamiut Danmarkimi ullumikkumik nutaamik aallartitaqalerput.

Niuertoq 70-inik ukiulik, Alan Leventhal juulip aallaqqaataanit USA sinnerlugu Kunngeqarfik Danmarkimi aallartitanngorpoq.

Alan Leventhalip Droninng Margrethe ullumi pulaarpaa, taassumalu USA-p inuiattut ullorsiorneranik juulip ulluisa pingajuani sisamaanilu Aalborgimi Rebildimilu malunnartitsinissani pisortatigoortumik suliaasa siulliit ilagissavaat.

Amerikamiut Københavimi Aallartitaqarfiat taama paasissutissiivoq.

AAMMA ATUARUK USA-p suliffeqarfiutilik Danmarkimi aallartitarilissagaa

Aallartitanngortoq amerikamiut siulersuisuini assigiinngitsunik suliaqartarnikuuvoq, suliffeqarfimmilu amerikami illoqarfissuami Bostonimiittumi Beacon Capital Partnersimi pisortatut atuuffeqaqqammerluni.

Alan Leventhal ilisimatusarnermi qullersani kræftimillu ilisimatusarnermi aamma suliaqarnikuuvoq.

Aallartitaq nutaaq nuliani Sherry Leventhal, arfinilinnik meeraqarfigisani ilagalugu Danmarkimut nuuppoq.

Leventhal aallartitanngortussatut toqqaneqarnermini oqarpoq:

- Aallartitatut aningaasaqarnikkut ataqatigiinnitsinnik itisiliiniarlunga aamma ilisimatusarnermi ilisimatusarnikkullu suleqatigiinnitsinnik annertusaaniarlunga politikkikkut isumannaassutsimullu soqutigisatta pitsanngorsarusuppakka. Danmarkimiilernerput Sherrylu nuannaarutigilluinnarlugu tulluutigaarput, Kunngeqarfimmilu inuit kulturilu asseqanngitsut ilinniarnissaat qilanaaraarput.

Taassuma amerikamiut Danmarkimi aallartitarisimasaat Carla Sands præsident Trumpip atuunnerani aallartitaasoq taarserpaa.