Alluitsoq pillugu suliniummit SIK tunuarpoq
SIK-p marsip ulluisa 19-ianniit atuutilersussamik suliumajunnaarsitsinissamik ilimasaaruteqarnera ilinniartunut suliniummut Alluitsumik taaguuteqartumut kinguneqarpoq. Suliniut taanna 24 miliuuni koruuninik naleqartoq taamaasilluni taamaatiinnarneqartariaqartoq, SIK-p siulittaasua Jess G. Berthelsen radioaviisimut oqarpoq.
Allattoq Mads Lynge
marsip 07-at 2008 11:34
- Grønlands Arbejdsgiverforeningip voldgiftsretimut tunniussimavaatigut, imaassinnaavorlu akiliisitaariataartugut. Grønlands Arbejdsgiverforeningip 800.000-it piumasarisimavaat, suliumajunnaarnissaq SIK-mut akisusinnaavoq, tamannalu pissutigalugu pingaarnersiuisariaqarsimalluta, SIK-p siulittaasua Jess G. Berthelsen oqarpoq, nangillunilu:
- Suliniut taanna uagut aallartitarigatsigu ajuusaarnarpoq unitsittariaqaratsigu. Suliumajunnaarneq akisusinnaammat Alluitoq-projektimit allatut ajornartumik tunuartariaqarsimavugut, kisianni ilinniartoqarneq SIK-p pingaartorujussuuaa, taanna erseqqissarumavara, Jess G. Berthelsen oqarpoq.
