Assi: KNR

Allamiut attaveqaatinut aningaasalersuinissaat pinngitsoortikkusukkaat

Attaveqaatit pingaarutillit allamiunut tunineqarsinnaajunnaarlugit danskit naalakkersuisuisa illersorniarpaat.

Danmarkimi tusagassiorfiit arlallit, ilaatigut Politiken, taama allaaserisaqarput.

Ilaatigut Kinamiut ingerlatseqatigiiffiata China Communications Construction Companyip (CCCC) nunatsinni mittarfinnik tallilerinermi sanaartugassanut neqerooruteqarnissamut Kalaallit Airports A/S-imit toqqarneqarnerata kingorna taama pisoqarpoq.

AAMMA ATUARUK Kinap soqutiginninneranut ernumaneq ingattarserneruvoq

Tamannami danskit amerikamiullu naalakkersuisuinit sakkortuumik isornartorsiorneqarpoq, Kinap sanaartornermigut sakkutooqarnikkut imaluunniit politikkikkut pissaanerminik nunatsinnut eqqussiniarsinnaanera aarlerigineqarmat.

Taamaammat illersuut nutaaq nunat allat ingerlatseqatigiiffiisa attaveqaatinut, soorlu aqqusinernut, umiarsualivinnut, innaallagissiornermut mittarfinnulluunniit soqutiginninnerannut immikkut sammitinneqassaaq. 

AAMMA ATUARUK Kinamiut aningaasaliisarnertik pissaaneqaatigaat

Danmarkimi aningaasaatinut ministeri Kristian Jensen (V) DR Nyhederimut ima oqarpoq: 

- Pisisussat isertukkaminnik siunertaqannginnerat tatigisinnaanngikkutsigu, taava attaveqaatinik pingaarutilinnik pisiniarnernik Danmarkip unitsitsinissamut periarfissaqarnissaa kissaatigaarput.

AAMMA ATUARUK Danmarkip Kinamit aningaasaliisussanut millionilikkaat atortarai

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat