Allagapiluit Spamit
Qarasaasiakkut emailerpassuit pilerisaarutit, spam-inik taaguutillit, sapaatip akunneranut 400.000-it Telep emailinik siammartiterivia greennet.gl aqqusaartarpaat.
Spammerpassuit tamakku atuisut emailiinut ingerlaqqinnginnerini, 60 procentii Telep unitsittarpai.
Nunatsinnilu innuttaasut 11.000-it greennet.gl-ip qarasaasiakkut allakkanut siammartiterivianik atuisuupput.
Telemillu ilisimatitsissutigineqarpoq ukiaq manna qarasaasiat, qarasaasianik atorunnaarsitsinnaasunik Virus-inik taaneqartartunik assut ajoqusersorneqarsimasut.
Allakkat qarasaasianut aserorterutit –virusit aggustimiit ulloq manna tikillugu 84.000-it missaanniittut nunatsinni emailinut nassiunneqarsimasut unitsinneqarsimapput.
Spam-inik Virusinillu unitsitsineq inunnit ulapputigineqarpoq ajorpoq, tassani qarasaasianut atortorissaarutit atortorineqarmata.
Finlandmiu qarasaasiatigut attaveqarneq pillugu ilisimatooq Hannu Kari isumaqarpoq, spammerpassuit Virusillu pissutaallutik internetti ukiut marluk qaangiuppata sapilissasoq. Kari oqarpoq spammit virusillu internettip uppernassusianut ajoqusiiumaartut.
