Aleqap ammanerusumik ingerlatsinissaq taperserpaa

Politikerit nammineq iluanaaruteqarnissartik siunertaralugu aalajangiisannginnissaat qulakkeerniarlugu, qinikkat naalakkersuisunullu ilaasortat aningaasaqarnikkut soqutigisatik saqqummiutissavaat?

Aaqqissuussineq nammineq kajumissutsimik peqataaffigineqarsinnaasoq maanna atuuppoq, aaqqissussinerlu taanna Siumukkormiunit siornatigut peqataaffigineqarpiarsimanngilaq, annertuumilli sammineqarnerata kingorna, Siumukkormiorpassuit peqataaffigerusullugu nalunaarsimapput.

Partiillu siulittaasuata Aleqa Hammondip aaqqissuussinerup piumasaqaatinngortinneqarnissaa isumaqatigalugu maanna oqaatigaa.

- Pissusissamisoorsoraara, aamma aqqutissaasoraara. Immikkut samminiarneqarsimanera aamma nuannaarutigaarput. Nammineq kajumissutsimik aaqqissuussinertut ingerlanneqartillugu, taamaaliortariaqarnermik isumaqartoqarnavianngilaq, pisussaaffinngortinneqarpalli, tamatta soorunami tamanna malittussaassavarput. Naalakkersuisut aamma ilanngunneqarnissaat aamma pissusissamisuuginnartuunasoraara. Uanga immersukkannik nassiussereerpunga.

Ima paasissanerlugu, piumasaqaatinngortinneqarnissaanik siunnersuuteqarsinnaassasusi?

- Naagga, inatsisissatut siunnersuuteqartoqassanngilaq. Inatsisartut siulittaasoqarfiata nammineerluni piumasaqaateqarnissaa pissusissamisoorsoraara.

Tamat aningaasaqarnikkut soqutigisaat suunersut paasiumallugit aapparisat ilanngunneqartarnissaat aamma piumasaqaatigissavisiuk?

- Naagga, taamatut isumaqanngilanga. Aapparisat inooqatigisallu qinigaanngitsut ilanngunneqartarnissaat naleqquttuusorinngilara.

Qinikkammi aapparisaa suliffeqarfiuteqarpat assigisaanilluunniit pigisaqarpat, taava aamma tamanna soqutigisaqarfigissavaa, aapparisap inooqatigisalluunniit soqutigisaasa nalunaarutigineqartarnissaat pissusissamisuunngilaa?

- Naagga, taamatut isumaqanngilanga. Pitsaasumik ingerlatsoqarnissaa qulakkeerniarlugu inuiaqatigiinni tunaartarisassaqarpugut erseqqilluinnartunik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat