Politikki

Aleqa unammillerteqanngilaq

Siumut nuna tamakkerlugu immikkoortortaqarfiit peqataaffigisaannik ataatsimeersualerpat Aleqa Hammond siulittaasutut unammillerneqarani ingerlaqqittussanngorpoq.

Allattoq Louise M. Kleemann

oktobarip 28-at 2011 08:48

Hans Enoksen qinersinerup kingorna tunuartoq kingoraarlugu Aleqa Hammond 2009-mi juunip qaammataani Siumumi siulittaasunngorpoq. Taamani qinersinermi Aleqa Hammond partii Siumut sinnerlugu qinigassanngortittuni amerlanernit taaneqarpoq.

Kisianni Aleqa Hammondimut ajoraluartumik partii Siumut Kalaallit Nunaata oqaluttuarisaanerani amerlanerussuteqartunit qinerneqanngilaq. Ilisimaneqartutut Kuupik Kleist Inuit Ataqatigiinneersoq qinersinerup kingorna naalakkersuisunut siulittaasunngorpoq.

Aleqa Hammond aamma perngaammik siulittaasutut qinigassanngortinngilaq. Partiip Siumup Nuummi immikkoortortaqarfianit siulittaasutut 2007-mi sassartinneqarpoq, iluatsinngitsumik.

Siumup ataatsimeersuarnera novembarip 17-ianiit 19-ianut Nuummi pissaaq siulersuisuunernullu novembarip 19-iani qinersisoqassalluni.

Aleqa unammillerteqanngilaq

Aamma atuaruk