Akiuussutissat AstraZenecameersut Danmarkimut tikipput

Akiuussutissat AstraZenecameersut 24.000-it Danmarkimut tikipput, sulilu amerlanerusut tikittussaapput. Taamaammallu piffissaq ungasinnerusoq eqqarsaatigalugu nunatsinnut qanoq nassiussisoqartassanersoq ataatsimiissutigineqassaaq.
Sapaatillu akunnerata qulaaliaanni akiuussutissat katillugit 100.000-it tikissimanissaat, Statens Serum Institutip naatsorsuutigaa. Assi © : Ben Stansall/AFP/Ritzau Scanpix
Allattoq Ritzau, Nutaarsiassaqartitsivik / Nyhedsredaktionen
februaarip 07-at 2021 18:52

AstraZenecamiit coronamut akiuussutissat siulliit Danmarkimut tikipput. Tikittut siulliit 24.000-iupput.

Statens Serum Institutimi pisortaq, Henrik Ullum, Ritzauimut oqarpoq.

Akiuussutissat Danmarkip nunat ilaannut tallimanut ataasinngorpat nassiunneqassapput.

- Akiuussutissanik atugassatsinnik, pingajussaanik tikittoqarnera nuanneqaaq. Taamaalilluta akiuussusersorneqarsinnaalerpugut, tunillatsittartullu ikilioartorlutillu napparsimasut ikiliartussammata. Nunarsuaq tamakkerlugu tuniluunneq taamaalilluta ajunnginnerusumik qaangeriartulissavarput, Henrik Ullum oqarpoq.

Piffissaq ungasinnerusoq isigalugu pilersaarusiorneq

Coronavirusimut akiuussutissat arlallit maanna Danmarkimiit nunatsinnut nassiunneqarsialerput. Nunatsinnut covid-19-imut akiuussutissanik sisamariarluni nassiunneqartut tamarmik Pfizer aamma Biontechimeerput.

Nunatta nakorsaanerata, Henrik L. Hansenip knr-imut oqaatigaa, sapaatit akunnerini tulliuttuni Danmarkimi peqqissutsimut aqutsisoqarfik, Savalimminilu oqartussat, coronamut akiuussutissanut tunngatillugu piffissaq ungasinnerusoq isigalugu tikisitsisarnissamut pilersaarusiorniarlutik ataatimeeqatigiissallutik.

AAMMA ATUARUK Oxford: Akiuussutissaq AstraZenecameersoq allanngortumutt iluaqutaavoq

Akiuussutissanik AstraZenecameersunik arlalinnik Danmarkimut nassiussisoqarnissaa pilersaarutaavoq.

Sapaatillu akunnerata qulingiluaanni akiuussutissat katillugit 100.000-it tikissimanissaat, Statens Serum Institutip naatsorsuutigaa.

 

Aamma atuaruk