Jens Immanuelsen Akit tamanut assigiillik
Jens Immanuelsnip assigiimmik akeqartitsinerup atuutseqqilersinnaanerata kingunerisinnaasai pillugit Naalakkersuisut nalunaarusiamik saqqummeeqqullugit Inatsisartuni aalajangiiffigisassaattut siunnersuutigaa. Siunnersuut Inatsisartunit marlunngormat maajip qulingani akuersissutigineqarpoq.
Nunatsinnimi innaallagissamik imermullu atuinitsinnut akiliutigisartakkatta assigiisilernissaat Jens Immanuelsenip angorusuppaa.
- Taamaattumik inuiaqatigiit ataasiusutut nammaqatigittutullu suliffigineqassagutta tamatta nammaqataasariaqarpugut, Jens Immanuelsen oqarpoq.
AAMMA ATUARUK Akit 2005-imi assigiikkunnaarsinneqarneri Hans Enoksenip nammineq kukkussutigalugu oqaatigaa
Nunatsinni illoqarfiit anginerit erngup nukinganik innaallagialersorneqarput, taakkunanilu akigititaq minnerpaaffiliussamiippoq taamattorli akiviusut aallaavigigaanni qaffasinnerulaamik akiliisarput.
Sulili nalimmassaasoqartariaqarpoq.
- Erngup nukingata atugaanera alliartortillugu taamatut periarfissinneqqartut inuiaqatigiit tamarmik akileeqataanerisigut oqinnerusumik atugaqassasut uuliamut atuisunut sanilliullutik, oqalullutalu nammaqatigiikkamik. Nammaqatigiinnermik anersaaqarnermik naapertuutinngilaq, Immanuelsen oqarpoq.
AAMMA ATUARUK Assigiimmik akeqartitsineq allanngortilerpaat
Demokraatit nalunaarusiaq utaqqeqqarusuppaat
Siunnersuulli illuatungiliuttuniit kissalaarfigineqarpallaanngilaq.
- Kingunissai Demokraatininngaanniit paaseqqaarusuppagut. Kisianni eqquteqqinnissaasut tunngatillugu isumaqarpugut, siornatigut peeriarlugu eqquteqqinnissaa uniuuttoq. Politikkikkut suliaalluanngitsunut nalilerusupparput, Randi Vestergaard Evaldsen taama oqarpoq.
Illoqarfinnili nunaqarfinnilu akiliiffiunerusartuni najugaqartut nuuttalinnginnissaat siunnersuuteqartup angorusuppaa.
- Inuit immaqa oqarutta atukkatik pillugit naggataani nipaqanngitsumik pinngitsaalisaallutik allanut nuuttariaqalernissaat, taanna politikkikkut kialluunniit takorloorsinnaanngilaa, Jens Immanuelsen taama oqarpoq.