Assi: Privat

Siumut: Aki-Matilda Høegh-Dam

Ateq: Aki-Matilda Høegh-Dam  

Partii: Siumut

Ukiut: 22-t

Ilinniagaq/suliffik: Naalagaafiit pissusaannik ilisimatusarnermi bacheloreqarpunga.

Inuttut inissisimaneq (ilaquttat/qitornat):

Sunngiffimmi soqutigisat: Qalipaaneq, taalliorneq, peqatigiiffilerineq, ilisimatusarneq

Folketingimut qinigaassaguit pingaarnertut sulissutigerusutatit pingasut suuppat?

Nunatsinnut tunngasunik oqartussaalernissaq, nunarput pineqartillugu oqartussaaffiit nunatta toqqaannaq inerisaaqataaffigilernissaat. Danmark nunatsinni akisussaaffigisaminik immikkoortiterinera akuerisinnaanngilara pisussaaffimminik isumaginnilernissaa sulissutigissavara.

Nunarput sipaarniarfigineqassanngilaq, Naalagaaffinngornissatsinnut ataqatigiittumik ilusilersornissaa nunarput tamakkiisumik avaqqunneqarani Folketingimiit Danmarkillu naalakkersuisuiniit ajoqusersorneqanngitsumik ingerlanneqarnissaa qulakkeerniassallugu, nunarput qanimut attaveqatigiuarlugu.

Kalaallit Danmarkimi najugaqartut pitsaasumik inuuneqarnissaat qanoq ilillutit qulakkeerinneqataaffigisinnaaviuk?  

Kalaallit sumiluunniit najugaqaraluarpata nunaq najugarisartik akisussaaffeqarpoq innuttaasuni naligiimmik periarfissillugillu ineriartortissinnaanissaat. Immikkullu maluginiaqquara tamanna nunatsinniit qinikkatta kisimik akisussaaffiginngilaat, Folketingimili ilaasortat tamarmik akisussaafigaat, tamannalu sumiginnaannginnissaannik iliuuseqarfigiuassavakka. Kalaallit sorlaqarfiat pillugu immikkoortinneqassanngillat. Kalaallit Nunaat sinnerlugu qinigaaffiga atorlugu kalaallit tamaavimmik sullinneqassapput.

Folketingimut qinigaassaguit statsministerissatut sassartoq sorleq tapersersussaviuk?

Socialdemokraatit siulittaasuat Mette Frederiksen taperserpara. Inuttut nammineq oqaloqatigeereernerani, anguniagai, taavalu partiitut tupinnanngitsumik nalornissuteqanngiivillunga taperserpara. Ersarissumik nunatta oqartussaalernissaanik, naalagaaffinngornissaanik tapersersuisoq salliullugu soorunami taperserneqassaaq, naak naluneqanngitsutuut kinaluunniit statsminister-iuppat oqaloqatigisinnaajuarlugu isumaqatigiinniartoqarsinnaasoq.

Isummersuutit

#FQ2019

Aaja Chemnitz Larsen, folketingskandidat for Inuit Ataqatigiit, afgiver sin stemme til Folketingsvalget i Godthåbshallen i Nuuk. Foto: Christian Sølbeck. (Foto: Christian Klindt Sølbeck/Ritzau Scanpix)

LIVE: Aki Mathilda Høegh Dam aamma Aaja Chemnitz Larsen Folketingimut qinigaapput