Appanniarnissaq mianersoqqussutigineqartoq
![](/sites/default/files/styles/image_934x467/public/article_images/lomvier_appat_foto_blake_matheson_flickr.jpg?itok=P3RzKzBm)
Upernaviup pigisaaniittut appat ineqarfii killiffimmikkut aarlerinartorsioreeqisut upernaakkut appanniarsinnaatitsinerup ammaateqqinneratigut suli ikileriaateqaqqinnissaat aarlerinaateqartoq, Pinngortitaleriffimmeersut allakkiaq naapertorlugu Naalakkersuisunut taama ilisimatitsipput.
AAMMA ATUARUK Enoksen WWF-mit isornartorsiorneqartoq
Nunatsinni appat ineqarfii aalaakkaasumik imaluunniit amerliartorfiullutik killiffeqartut taamaallaat Qaanaap pigisaani amiakkuulerput.
Nunattali sinnerani appat ineqarfii 14-iusut appaarunnissamik imaluunniit ikiliartorfiullutik aarlerinartorsiorput.
Taamaattumik Upernavimmi Uummannamilu upernaakkut piffissami apriilip ulluisa 15-iannit maajip 15-iat tikillugu appanniartoqarsinnaanissaa appat ikileriaateqaqqinnissaannut kinguneqarsinnaasoq, Pinngortitaleriffimmi ilisimatusartoq, seniorforskeri Flemming Ravn Markel nassuiaavoq.
AAMMA ATUARUK Naalakkersuisoq: Appat eqqissisimativinneqassanngillat