Naalakkersuisoq: Appat eqqissisimativinneqassanngillat
Appat ineqarfippassui ikiliartorfioqisut annaanneqassappata maannaqqinnaaq siunnerfeqartumik iliuuseqarnissaq pisariaqartoq, Pinngortitaleriffiup allakkiaani saqqummiunneqaqqammerpoq.
Appanilli eqqissisimatitsilluinnarnissaq Naalakkersuisunit isumaqatiginartinneqanngilaq,
piniagaanerisali sivikillineqarsinnaannerat aallaqqaammut alloriarfiusinnaasoq, Aalisarnermut Piniarnermullu Naalakkersuisoq, Nikolaj Jeremiassen oqarpoq.
Aamma atuaruk Pinngortitaleriffik iliuuseqaqqusisoq: Appat ukiuni qulini eqqissitivinneqarlik
- Isumaqarpunga piniagaanerisa sivikillisinneqarnissaat siulliulluni alloriarfiusinnaasoq, massakkuugallartorlu orniginartinngilara ukiut qulit tikillugit piniagaajunnaartivinneqarnissaat.
Appat pillugit siunnersuineq nutaaq ukiamut septemberimi Pinngortitaleriffimmit saqqummiunneqartussaq Naalakkersuisunit utaqqimaaqqaarusunneqarpoq.
- maassinnaavoq qaammat ataaserluunnit piniagaanissamut periarfissiissutaagallartoq - utaqqimaareerutsigu paasinarsissooq naalakkersuisooqatigiinninngaannit qanoq aalajangertoqassanersoq.
Piniagassallu nungutaalluinnarnissaat ernumanartoqanngitsoq, Nikolaj Jeremiassen isumaqarpoq.
-Tassa taanna inuiaqatigiit maani nunami piniarnermut ingerlatsisut uumasumik ataatsimilluunnit nunguutsinikuunngillat, taamaammat ernumanartoqartinngilara - soorunami nunguinneqarnissaat aamma siunertaajunnanngilaq.