Assi: Kommune Qeqertalik.

Aasianni unnuisarfittaaq angerlarsimaffeqanngitsunut iluaqutaassaaq

Aasianni innutaasut angerlarsimaffeqanngitsut unnuiffissaqalerput.

Kommune Qeqertalimmi kommunalbestyrelsit sisamanngormat ataatsimeereerlutik partiit tamarmik akuersissutigisaannik Aasianni angerlarsimaffeqanngitsut unnuisarfissaqalerput.

Tamanna pillugu Kommune Qeqertalimmi borgmesteri Ane Hansen attaveqarfigaarput. Ane Hansen sooruna pisariaqalersimasoq Aasianni angerlarsimaffeqanngitsunut unnuisarfeqalernissaq?

AAMMA ATUARUK Nyt nødherberg i Nuuk

- Kommunalbestyrelsemi ilaasortat marluk, tassa Aqqa Samuelsen taava Niels Kristensen siunnersuuteqarnikuugamik angerlarsimaffeqanngitsut isumassorneqarnissaannut tunngasumik, taamaattumik taanna aallavigalugu periarfissanik assigiinngitsunik massakkut aammaavugut. Aasianni angerlarsimaffeqanngitsunut inissat ineeqqat tallimat, marluuttarissat marluk, taava ataasiuttarissat pingasut, kollegiaasimasoq aaqqissuuteqillugu massakkut ammarparput.

Kommune Qeqertalimmi borgmesteritut angerlarsimaffeqanngitsunut unnuisarfittaarnera qanoq isumaqarfigaajuk?

-Pisariaqavittutut isigivara, amerliartoramik ukiuni kingullerni ajoraluartumik, taavalu aamma immikut suliffigineqarnissaat taakkua pinaveersaartillugu angerlarsimaffeqanngitsunngornissaq. Siunertaqassooq aamma angerlarsimaffeqanngitsunut unnuisarfik angerlarsimaffeqalernissamut ikaarsaarfiussasoq.

Qanoq atorneqassamaarpa taanna?

- Angerlarsimaffeqanngitsut ilai suliffeqartaramik aamma taakkua suliffeqarsimagunik soorunami akiliuteqartinneqassapput. Qaammammut akiliutissanik aalajangersimasunik aalajangersaareertoqarnikuuvoq taavalu suliffeqanngitsut taakkua inatsimmi periarfissat assigiinngitsut atorlugit ingerlanneqartarumaarput. Kisianni siunertaajuaannassooq nalinginnaasumik initaarnissamut alloriartitsiniarnissaq.   

Kommune Qeqertalimmi angerlarsimafeqanngitsutut 24-t nalunaarsorneqarsimapput, taakku unnuisarfimmiinnissaminnut suliffillit akiliisinneqartassapput sinittarfimmi ataasiuttarissami qaammammut 850 koruuneqassaaq marluuttarissanilu 1500 koruuneqassalluni.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat