Aappariit Inuk Designemik piginnittut kulturikkut nersornaatisisut
Naalakkersuisut kulturikkut nersornaasiuttagaat aappariinnut ilusillersuisartumut assiliartalersuisartumullu Liv Aurora Jensenimut uianullu filmeliortartumut Peter Jensenimut ukiormanna tunniunneqarpoq.
Kulturikkut nersornaaserneqartussanngorlutik nalunaarfigineqaramik upperisimanngikkaluarpaaat.
- Sapaatit akunneri pingasut matuma siorna sianerfigineqarami isumaqarsimagaluarpunga asuleertoq.
Kisianni taamaanngilaq kulturikkut nersornaaserneqartup nulia Liv Aurora Jensen taama oqarpoq
Kulturikkut nersornaat siullermeertumik aappariinnut tunniunneqarpoq.
Taakkua aappariinnerminni suliffeqarfik Inuk Design pilersinneqarpoq aamma taanna aqqutigalugu asanninneq
- Illeqanngitsuuppat, uannullu allanngortinneqarsinaanngitsumik tatiginninnerit asanninnerit tapersersuinerillu pisimanngitsuuppat ullumi maaani nikorfanavianngikkaluarpunnga aamma suliffeqarfik Inuk Design pilersinneqarsimassanngikkaluarpoq, Liv Aurora Jensen taama oqarpoq.
Kulturikkut nersornaasiuttagaq 1982-mili tunniunneqartarlerpoq, taanna 50.000 kr-nik aningaasartaqarpoq.